ଆନ୍ତର୍ଜାତୀୟ ସାର୍ବଜନୀନ ସ୍ୱାସ୍ଥ୍ୟ ସୁରକ୍ଷା ବ୍ୟବସ୍ଥା ଦିବସ

ଡେଲାଙ୍ଗ, (ଦିଲ୍ଳୀପ କୁମାର ଧାଉଡିଆ) : ‘ଆନ୍ତର୍ଜାତୀୟ ସାର୍ବଜନୀନ ସ୍ୱାସ୍ଥ୍ୟ ସୁରକ୍ଷା ବ୍ୟବସ୍ଥା (ୟୁଏଚଏନସି) ଦିବସ’, ସ୍ୱାସ୍ଥ୍ୟ ସେବା ଦିଗରେ ଅଗ୍ରଗତିକୁ ତ୍ୱରାନ୍ୱିତ କରିବାରେ ଆର୍ଥିକ ସୁରକ୍ଷାର ଭୂମିକା ଉପରେ ଧ୍ୟାନ ଦେଇଥାଏ । ଆର୍ଥିକ ସୁରକ୍ଷା ସୁନିଶ୍ଚିତ କରେ ଯେ ସ୍ୱାସ୍ଥ୍ୟ ଖର୍ଚ୍ଚପାଇଁ ଲୋକମାନେ ଦାରିଦ୍ର୍ୟରେ ପଡ଼ିବେ ନାହିଁ । ଗତ ୨୦ ବର୍ଷ ମଧ୍ୟରେ ଆର୍ଥିକ ସୁରକ୍ଷା ଧୀରେ ଧୀରେ ଖରାପ ହେବାରେ ଲାଗିଛି । ୨୦୦ କୋଟି ଲୋକ ଆର୍ଥିକ ଅସୁବିଧାର ସମ୍ମୁଖୀନ ହୋଇଛନ୍ତି ଏବଂ ସ୍ୱାସ୍ଥ୍ୟ ଖର୍ଚ୍ଚ ହେତୁ ୧୩୦ କୋଟି ଲୋକ ଦାରିଦ୍ର୍ୟକୁ ଠେଲି ହୋଇଯାଇଛନ୍ତି । ଏହାର ଅର୍ଥ ହେଉଛି ଯେ ମାଆମାନେ ନିଜ ପାଇଁ କିମ୍ବା ସେମାନଙ୍କ ପିଲାମାନଙ୍କ ପାଇଁ ଆବଶ୍ୟକ ଜୀବନ ରକ୍ଷାକାରୀ ହସ୍ତକ୍ଷେପରୁ ଆର୍ଥିକ ଦୃଷ୍ଟିରୁ ବଞ୍ଚିତ ହୋଇପାରନ୍ତି । ଠିକ୍ ସମୟରେ ରୋଗ ନିର୍ଣ୍ଣୟ କରାଯାଇନପାରିବାରୁ ଅଣ-ସଂକ୍ରାମକ ରୋଗୀ (ଏନସିଡିଏସ୍‌) ଠିକ୍ ସମୟରେ ଚିକିତ୍ସିତ ହୁଅନ୍ତି ନାହିଁ । ପ୍ରାଥମିକ ଚିକିତ୍ସାରେ ବିଳମ୍ବ ହେତୁ ଗୁରୁତର କିମ୍ବା ଜୀବନ ପ୍ରତି ବିପଦ ରହିଥାଏ । ସୁସ୍ଥ ଲୋକ ସୁସ୍ଥ ସମ୍ପ୍ରଦାୟ ଗଠନ କରନ୍ତି ଯାହାକି ଅଧିକ ସ୍ଥିର, ଉତ୍ପାଦନକାରୀ, ଶାନ୍ତିପୂର୍ଣ୍ଣ ଏବଂ ସମୃଦ୍ଧ ଅଟେ । ସ୍ଥାୟୀ ବିକାଶ ଲକ୍ଷ୍ୟ(ଏସଡିଜିଏସ) ହାସଲ କରିବାପାଇଁ ସମସ୍ତଙ୍କ ସ୍ୱାସ୍ଥ୍ୟ ଆବଶ୍ୟକତା ଅଟେ । ୨୦୩୦ ସୁଦ୍ଧା ୟୁଏଚସି ହାସଲ କରିବାକୁ ବହୁ ଉଚ୍ଚ ସ୍ତରୀୟ ରାଜନୈତିକ ପ୍ରତିଶୃତି ସତ୍ତ୍ଵେ ବିଶ୍ଵର ଅଧାରୁ ଅଧିକ ଜନସଂଖ୍ୟା ଆବଶ୍ୟକୀୟ ସ୍ୱାସ୍ଥ୍ୟସେବା ପାଇପାରୁନାହାଁନ୍ତି । ସ୍ୱାସ୍ଥ୍ୟ ଖର୍ଚ୍ଚର ଅପବ୍ୟବହାରରୁ ସରକାର ବିଶେଷକରି ଆମ ମଧ୍ୟରେ ସବୁଠାରୁ ଅସୁରକ୍ଷିତ ଲୋକଙ୍କୁ ସୁରକ୍ଷା ଦେବାପାଇଁ ସରକାର ଯଥେଷ୍ଟ ବିନିଯୋଗ ନକରିବା ପର୍ଯ୍ୟନ୍ତ ୟୁଏଚସି ଅବହେଳିତ ରହିବ । ଏହି ୟୁଏଚସି ଦିବସ, ବିଶ୍ଵ ବାସ୍ଥ୍ୟ ସଂଗଠନ (ଡ୍ଲୁଏଚଓ) ଆର୍ଥିକ ସୁରକ୍ଷା ବ୍ୟବସ୍ଥାକୁ କାର୍ଯ୍ୟକାରୀ କରିବା ପାଇଁ ଜରୁରୀ କାର୍ଯ୍ୟାନୁଷ୍ଠାନ ପାଇଁ ଆହ୍ୱାନ ଦେଇଛି । ୨୦୨୫ ର ବିଷୟବସ୍ତୁ ହେଉଛି “ସୁଲଭ ନୁହେଁ ସ୍ୱାସ୍ଥ୍ୟ ଖର୍ଚ୍ଚ ଆମେ ଏଥିରେ ବିରକ୍ତ” । ଏହା ସ୍ୱାସ୍ଥ୍ୟସେବାର ଆର୍ଥିକ ବୋଝ ଉପରେ ଧ୍ୟାନ କେନ୍ଦ୍ରିତ କରେ, ନୀତି ପରିବର୍ତ୍ତନ ପାଇଁ ଚାପ ପକାଏ ଏବଂ ସମସ୍ତଙ୍କ ପାଇଁ ସୁଲଭ ଉପଲବ୍ଧତା ସୁନିଶ୍ଚିତ କରେ । ଏହି ବିଷୟବସ୍ତୁ ପକେଟରୁ ବାହାର ସ୍ୱାସ୍ଥ୍ୟ ଖର୍ଚ୍ଚର ବିନାଶକାରୀ ପ୍ରଭାବକୁ ଉଜ୍ଜ୍ୱଳ କରେ, ଯାହା ପରିବାରକୁ ସ୍ୱାସ୍ଥ୍ୟ ଏବଂ ଖାଦ୍ୟ କିମ୍ବା ଶିକ୍ଷାଭଳି ମୌଳିକ ଆବଶ୍ୟକତା ମଧ୍ୟରୁ ଗୋଟିଏ ବାଛିବାକୁ ବାଧ୍ୟ କରେ ଏବଂ ଆର୍ଥିକ ସୁରକ୍ଷା ଓ ସାର୍ବଜନୀନ ସେବା ଯୋଗାଣ ପାଇଁ ସରକାରୀ ପଦକ୍ଷେପ ଦାବି କରେ । ସ୍ଥାୟୀ ବିକାଶ ଲକ୍ଷ୍ୟ(ଏସଡିଜିଏସ) ହାସଲ କରିବା ପାଇଁ ସାର୍ବଜନୀନ ସ୍ୱାସ୍ଥ୍ୟ କଭରେଜ୍ (ୟୁଏଚସି) ଅତ୍ୟାବଶ୍ୟକ । ଏହି ସତ୍ୟକୁ ସମ୍ବୋଧିତ କରେ ଯେ ବିଶ୍ୱର ଅଧାରୁ ଅଧିକ ଲୋକ ଅତ୍ୟାବଶ୍ୟକ ସେବାରୁ ବଞ୍ଚିତ ଅଛନ୍ତି । ପ୍ରତ୍ୟେକ ଚାରି ଜଣଙ୍କ ମଧ୍ୟରୁ ଜଣେ ସ୍ୱାସ୍ଥ୍ୟ ଖର୍ଚ୍ଚ ଯୋଗୁଁ କଷ୍ଟର ସମ୍ମୁଖୀନ ହେଉଛନ୍ତି । ଉତ୍ତମ ସ୍ୱାସ୍ଥ୍ୟ ଆମ ଜନ୍ମଗତ ଅଧିକାର ।