ବଲାଙ୍ଗିର, (ଦେବାଶିଷ ମିଶ୍ର) : ସଇଁତଲା ବ୍ଲକ ଅନ୍ତର୍ଗତ ସରକାରୀ ଉନ୍ନୀତ ଉଚ୍ଚ ବିଦ୍ୟାଳୟ କେରମେଲି ତରଫରୁ ଜାତୀୟ କ୍ରୀଡା ଦିବସ ଉପଲକ୍ଷେ ସାଇକ୍ଲୋଥନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ବିଦ୍ୟାଳୟର ପ୍ରଧାନ ଶିକ୍ଷକ ସରୋଜ ମିଶ୍ରଙ୍କ ସଭାପତିତ୍ୱ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ଡେଙ୍ଗ ବିଦ୍ୟାଳୟର ପ୍ରଧାନ ଶିକ୍ଷକ ଚାଣ୍ଡାଳ ମିଶ୍ର ଓ ସମ୍ମାନିତ ଅତିଥି ଭାବରେ ବିଦ୍ୟାଳୟ ପରିଚାଳନା କମିଟି ସଭାପତି ଯଜେ୍ଞଶ୍ୱର ଦାଶ ଓ ଡେଙ୍ଗ ବିଦ୍ୟାଳୟର ଜୁନିୟର ରେଡକ୍ରସ କାଉନସିଲର ରାମ ନାରାୟଣ ଦାଶ ଯୋଗ ଦେଇଥିଲେ । ପ୍ରଥମରେ ସବୁଜ ପତକା ଦେଖାଇ ସାଇକ୍ଲୋଥନ୍ କାର୍ଯ୍ୟକ୍ରମକୁ ଅତିଥିଗଣ ଶୁଭାରମ୍ଭ କରିଥିଲେ । ବିଦ୍ୟାଳୟରୁ ବାହାରି ଗ୍ରାମ ପରିକ୍ରମା ପରେ ଛାତ୍ରଛାତ୍ରୀଗଣ ପୁଣି ବିଦ୍ୟାଳୟକୁ ଫେରିଥିଲେ । ତତ୍ ପରେ ପ୍ରଧାନ ଶିକ୍ଷକଙ୍କ ସଭାପତିତ୍ୱ ବୈଠକରେ ସମ୍ମାନିତ ଅତିଥିଗଣ ଜାତୀୟ କ୍ରୀଡା ଦିବସ ପାଳନର ମହତ୍ୱ ବୁଝାଇ ହକି ଯାଦୁଗର ଧ୍ୟାନ ଚାନ୍ଦଙ୍କ ଖେଳ ଜୀବନ ସହ ଭାରତର କୃତିକୁ ସ୍ମୃତିଚାରଣ କରିଥିଲେ । ପୂର୍ବରୁ ବକ୍ତୃତା, ଚିତ୍ରାଙ୍କନ, ରଚନା ତଥା ଖୋଖୋ ଓ କବାଡି ପ୍ରତିଯୋଗୀତା ଅନୁଷ୍ଠିତ ହୋଇଥିଲା । କୃତି ପ୍ରତିଯୋଗୀମାନଙ୍କୁ ମୁଖ୍ୟ ଅତିଥି ଠାରୁ ସମ୍ମାନିତ କରାଯାଇଥିଲା । କାର୍ଯ୍ୟକ୍ରମରେ ଶିକ୍ଷୟତ୍ରୀ ସବିତା ଏକ୍କା, ରଶ୍ମିତା ନାୟକ, ମିନତୀ ଦାଶ, ଶିକ୍ଷକ ସୌମ୍ୟ ରଞ୍ଜନ ମହାନ୍ତି, ପ୍ରସାନନ୍ଦ ବାଗ ପ୍ରମୁଖ ଉପସ୍ଥିତ ରହି ସହଯୋଗ କରିଥିଲେ । କାର୍ଯ୍ୟକ୍ରମକୁ ଶିକ୍ଷୟିତ୍ରୀ ସୁହାଶିନୀ ଗୁରୁ ପରିଚାଳନା କରିଥିବା ବେଳେ ଶିକ୍ଷୟିତ୍ରୀ ମୋନାଲିସା ମହାପାତ୍ର ଧନ୍ୟବାଦ ଅର୍ପଣ କରିଥିଲେ ।