ଲୋଇସିଂହା, (କେପିଏନ୍ଏସ୍) : ଲୋଇସିଂହା ବ୍ଲକ ବାଦୀମୁଣ୍ଡା ସ୍ଥିତ ଶିଶୁ ସୈନିକ ବିଦ୍ୟାଳୟର ଦଶମ ସ୍ଥାପନା ଦିବସ ପାଳିତ ହୋଇଯାଇଛି । ଏହି ଅବସରରେ ଆୟୋଜିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ବିଜେଡ଼ି ରାଜ୍ୟ ପରିଷଦ ସଭ୍ୟ ନିହାର ରଞ୍ଜନ ବେହେରା, ସ୍ୱତନ୍ତ୍ର ଅତିଥି ଭାବେ ପଦ୍ମଶ୍ରୀ ହଳଧର ନାଗ, ସମ୍ମାନିତ ଅତିଥି ଭାବେ ମାଗୁରବେଡା ଫାଣ୍ଡି ଅଧିକାରୀ ଏଏସ୍ଆଇ ଘିବେଲା ବାବୁ, ଆନ୍ତର୍ଜାତିକ କରାଟେ କୋଚ ଅସୀମ କୁମାର ଭୋଇ, ରାଜ୍ୟସଭା ସାଂସଦଙ୍କ ଆଗଲପୁର ବ୍ଲକ ପ୍ରତିନିଧି ଜୟନ୍ତ ବେହେରା, ସରଗାଡ଼ ସରପଞ୍ଚ ସରୋଜ ବେହେରା, କୁଟୁରାପାଲି ପଞ୍ଚାୟତ ହାଇସ୍କୁଲର ପ୍ରଧାନ ଶିକ୍ଷକ ଅବନୀ କୁମାର ତ୍ରିପାଠୀ, ବାଦୀମୁଣ୍ଡା ପ୍ୟାକ୍ସ ସଭାପତି ଲେକ୍ରୁ ପଟେଲ, ବାଦୀମୁଣ୍ଡା ଓଡିଶା ଷ୍ଟେଟ ବ୍ରିଗେଡ଼ ସ୍କୁଲ ସଭାପତି ଉପେନ୍ଦ୍ର ସାହୁ ଓ ପରିଚାଳନା ନିର୍ଦ୍ଦେଶକ କୈଳାସ ଚନ୍ଦ୍ର ସାହୁ ପ୍ରମୁଖ ମଞ୍ଚାସୀନ ଥିଲେ । ବିଭିନ୍ନ କ୍ଷେତ୍ରରେ ପାରଦର୍ଶିତା ଲାଭ କରିଥିବା ବିଦ୍ୟାଳୟର କୃତି ଛାତ୍ରଛାତ୍ରୀଙ୍କୁ ଅତିଥି ବୃନ୍ଦ ପୁରସ୍କୃତ କରିଥିଲେ । ପରେ ଛାତ୍ରଛାତ୍ରୀଙ୍କ ଦ୍ଵାରା ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା । ଏହି କାର୍ଯ୍ୟକ୍ରମକୁ ବିଦ୍ୟାଳୟର ଅଧ୍ୟକ୍ଷ ଅରୂପାନନ୍ଦ ସାହୁ ସଂଯୋଜନା କରିଥିବା ବେଳେ ସାଂସ୍କୃତିକ କାର୍ଯ୍ୟକ୍ରମକୁ ଶିବପ୍ରିୟା ସାହୁ ଓ ସଂଗୀତା ନାଗ ସଂଯୋଜନା କରିଥିଲେ । ବିଦ୍ୟାଳୟର ପଙ୍କଜିନୀ ପଟେଲ, ନବୀନ ଚନ୍ଦ୍ର ଷାଣ୍ଢ, ବାସୁଦେବ ସାହୁ, କୁଞ୍ଜଲତା ସାହୁ, ଜ୍ୟୋସ୍ନାମୟୀ ତ୍ରିପାଠୀ, ସରୋଜ ଭୋଇ, ପରମାନନ୍ଦ ସୁନା, ଆର୍ଯ୍ୟ ଆହ୍ୱାନ ରଥ, ମମତା ଦଣ୍ଡସେନା, ଗୋଦାବରୀଶ ସାଇ ପଟେଲଙ୍କ ସମେତ ସମସ୍ତ ଶିକ୍ଷକ ଶିକ୍ଷୟତ୍ରୀ ଓ ଛାତ୍ରଛାତ୍ରୀ ସହଯୋଗ କରିଥିଲେ । ଶେଷରେ ଶିକ୍ଷକ ପ୍ରେମରାଜ ସାହୁ ଧନ୍ୟବାଦ୍ ଅର୍ପଣ କରିଥିଲେ ।