ବଙ୍ଗୋମୁଣ୍ଡା, (ଅର୍ଜୁନ କୁମାର ହଂସ) : ବଲାଙ୍ଗିର ଜିଲ୍ଲା ବଙ୍ଗୋମୁଣ୍ଡା ବ୍ଲକ ବଲଧା ପଞ୍ଚାୟତ ଅନ୍ତର୍ଗତ ସାନମୁଲା ଗାଁରେ ଥିବା ମହିମା ଆଶ୍ରମରେ ଦୀର୍ଘ ୪୫ ବର୍ଷ ଧରି ରହି ଆସୁଥିବା ବାବା ଲକ୍ଷ୍ମଣାନନ୍ଦ ଦାସଙ୍କ ଦେହାନ୍ତ ହୋଇଯାଇଛି । ଏଥିରେ ପୁଟୁପଡା ମଠର କିଶୋରଚନ୍ଦ୍ର ଦାସ ବାବା, ମୁରିବାହାଲ ଅଞ୍ଚଳର ବାବା ସୁଶୀଲ ବାବା, ବ୍ରହ୍ମାନନ୍ଦ ବାବାଙ୍କ ସହ ପଶ୍ଚିମ ଓଡିଶାର ସମସ୍ତ ସାଧୁ ଭକ୍ତମାନେ ଆସି ତାଙ୍କର ଅନ୍ତିମ ସଂସ୍କାର କରିଥିଲେ । ସେ ଜଣେ ଜଣାସୁଣା ବାବା ଥିଲେ । ପଶ୍ଚିମ ଓଡ଼ିଶା ତଥା ଛତିଶଗଡ ରାଜ୍ୟର ବିଭିନ୍ନ ସ୍ଥାନକୁ ଯାଇ ଘୃତାହିତ ତଥା ଘିଅ ପୋଡ଼ା କରି ଆସୁଥିଲେ । ବିଭିନ୍ନ ସଭାକାର୍ଯ୍ୟ ବୈଠକ କରି ଆସୁଥିଲେ । ତାଙ୍କର ବିୟୋଗରେ ଅଞ୍ଚଳରେ ଶୋକର ଛାୟା ଖେଳି ଯାଇଛି । ତାଙ୍କର ବିୟୋଗ ହେବା ପରେ ବହୁ ଭକ୍ତମାନେ ଆସି ଶେଷ ଦର୍ଶନ କରିଥିଲେ ।
Prev Post