ବଙ୍ଗୋମୁଣ୍ଡା, (ଅର୍ଜୁନ କୁମାର ହଂସ) : ବଲାଙ୍ଗିର ଜିଲ୍ଲା ବଙ୍ଗୋମୁଣ୍ଡା- ଖଡ଼ିଆଳ ୫୯ ନମ୍ବର ଭାଲୁମୁଣ୍ଡାଠାରେ ୨ଟି ପିକ୍ଅପ୍ ଭ୍ୟାନ ଗାଡି ଦୁର୍ଘଟଣାଗ୍ରସ୍ତ ହୋଇ ଓଲଟି ପଡିବା ଫଳରେ ୨ ଜଣ ଗାଡି ଚାଳକ ଗୁରୁତର ଆହତ ହୋଇଥିବା ସୂଚନା ମିଳିଛି । ସୂଚନା ଆନୁସାରେ, ଖପ୍ରାଖୋଲ ବ୍ଲକ ଲାଠୋର ଗାଁରୁ ଗୋବିନ୍ଦ ମେହେର ନିଜ ପିକଅପ ଗାଡି ଓଡ଼ି୦୩ଟି ୩୮୨୨ ଭାଲୁମୁଣ୍ଡା ଦେଇ ଡୁଆଝର ଗାଁକୁ କୌଣସି କାମ ପାଇଁ ଯାଉଥିବା ବେଳେ ପଛ ପଟୁ ଖୋର୍ଦ୍ଧା ଜିଲ୍ଲାରୁ ନୂଆପଡା ଜିଲ୍ଲା ଖଡ଼ିଆଳକୁ ସରକାରୀ ଡାଲିମ୍ବ ଚାରା ନେଇ ଯାଉଥିବା ରିଶେଷନ ମହାପାତ୍ର ଓଡି୦୨ବି ଜେଡ ୫୮୭୪ ପିକଅପ ଭ୍ୟାନ ପିଟି ହୋଇ ଦୁଇ ଗାଡି ଓଲଟି ପଡିଥିଲା । ଦୁଇ ଗାଡିର ଡ୍ରାଇଭର ଗୁରୁତର ଆହତ ହୋଇଥିବା ବେଳେ ୧୦୮ ଆମ୍ବୁଲାନ୍ସ ଯୋଗେ ଖଡ଼ିଆଳ ସ୍ୱାସ୍ଥ୍ୟକେନ୍ଦ୍ରକୁ ନିଆଯାଇଛି । ତେବେ ଭାଲୁମୁଣ୍ଡା ଡ୍ରାଇଭର ସଂଘର କର୍ମକର୍ତ୍ତା ମାନେ ଆସି ସାହଯ୍ୟ କରିଥିବା ବେଳେ ଘଟଣା ସ୍ଥଳରେ ବଙ୍ଗୋମୁଣ୍ଡା ପୋଲିସ ପହଞ୍ଚି ଦୁର୍ଘଟଣା ଗ୍ରସ୍ତ ୨ ଗାଡିକୁ ଜବତ କରି ଅଧିକ ତଦନ୍ତ କରୁଥିବା ଜଣାପଡିଛି ।