ବଡଉଡ଼ାରରେ ନିଜ ଜନ୍ମ ଦିନରେ ଅବସରପ୍ରାପ୍ତ ପ୍ରଧାନଶିକ୍ଷକ ନାରାୟଣ ଲୁହାଙ୍କ ମୋ ସ୍କୁଲ ଅଭିଯାନ ପାଣ୍ଠିକୁ ୪ହଜାର ଟଙ୍କା ଦାନ
ମୁରିବାହାଲ, (ଦୁର୍ଗାନନ୍ଦ ମହାକୁର) : ବଲାଙ୍ଗିର ଜିଲ୍ଲା ମୁରିବାହାଲ ବ୍ଲକ ଟୁପାଉଡ଼ାର ପଞ୍ଚାୟତ ବଡଉଡ଼ାର ଗ୍ରାମର ଅବସରପ୍ରାପ୍ତ ପ୍ରଧାନ ଶିକ୍ଷକ ନାରାୟଣ ଲୁହା ଆଜି ଗୁରୁବାର ନିଜର ତେଷଠିତମ ଜନ୍ମଦିବସ ଏକ ନିଆରା ଢଙ୍ଗରେ ପାଳନ କରିଥିବା ଦେଖିବାକୁ ମିଳିଛି । ସେ ଜନ୍ମ ଦିନକୁ ନିଜ ଗାଁ ବଡ଼ଉଡାର ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟର ଛାତ୍ରଛାତ୍ରୀମାନଙ୍କ ଗହଣରେ ଅତ୍ୟନ୍ତ ଆନନ୍ଦ ଉଲ୍ଲାସ ସହିତ ପାଳନ କରି ବିସ୍କୁଟ ବାଣ୍ଟିଥିଲେ । ଏହି ଅବସରରେ ସେ ଜନ୍ମଦିବସକୁ ସ୍ମରଣୀୟ କରିବା ପାଇଁ ବିଦ୍ୟାଳୟର ମୋ ସ୍କୁଲ ଅଭିଯାନ ପାଣ୍ଠିକୁ ୪ହଜାର ଟଙ୍କା ଦାନ କରିବା ସହିତ ସ୍କୁଲ ପରିସରରେ ଏକ ଜାମୁକୋଳି ଗଛ ରୋପଣ କରିଥିଲେ । ଏହି ଅବସରରେ ସ୍କୁଲ ପ୍ରଧାନ ଶିକ୍ଷକ ଅନୀଲ କୁମାର ବେହେରା, ସହକାରୀ ଶିକ୍ଷକ ଗୋସିଙ୍ଗ ପ୍ରଧାନୀ, ଚୂଡାମଣି ନାୟକ, ସଜ୍ଜନ କୁମାର ବାରିକ, କୁମୁଦ ବିହାରୀ ବେଦବାକ ଓ ଚନ୍ଦନ ବେହେରା ପ୍ରମୁଖ ଉପସ୍ଥିତ ଥିଲେ ।