ଦେଓଗାଁ, (ମନୀଷ କୁମାର ସାହୁ) : ଦେଓଗାଁ ବ୍ଲକ କୁତୁର୍ଲା ସ୍ଥିତ ଧ୍ରୁବ ଆନନ୍ଦ ଉଚ୍ଚ ମାଧ୍ୟମିକ ବିଦ୍ୟାଳୟରେ ଆଜି ଏକ ସାଇକେଲ ଷ୍ଟାଣ୍ଡ ଉଦ୍ଘାଟିତ ହୋଇଯାଇଛି । ଏହି ସାଇକେଲ ଷ୍ଟାଣ୍ଡକୁ କୁତୁର୍ଲା ପଞ୍ଚାୟତ ମୁରସିଂ ଗାଁର ଏଲିସ୍ ହରପାଲ୍ ମହାବିଦ୍ୟାଳୟକୁ ଦାନ କରିଥିବା ବେଳେ କସରତ ହରପାଲଙ୍କ କରକମଳରେ ଏହା ଉଦ୍ଘାଟିତ ହୋଇଥିଲା । ଏହି ଉଦ୍ଘାଟନ କାର୍ଯ୍ୟକ୍ରମରେ ଦାନଦାତ୍ରୀଙ୍କ ପରିବାର ପକ୍ଷରୁ ଅବସରପ୍ରାପ୍ତ ଶିକ୍ଷକ କସରତ ହରପାଲ, ମାଧୁରୀ ହରପାଲ, ଅବସରପ୍ରାପ୍ତ ଶିକ୍ଷକ ସୁନିଲ ହରପାଲ, ଏଲିସ ହରପାଲ ପ୍ରମୁଖ ଉପସ୍ଥିତ ଥିଲେ । ମହାବିଦ୍ୟାଳୟ ପରିସରରେ ଆୟୋଜିତ ସଭାରେ ଅଧ୍ୟକ୍ଷ ପ୍ରମୋଦ ବଡ଼ପଣ୍ଡାଙ୍କ ସଭାପତିତ୍ୱ କରିଥିବା ବେଳେ ରାଜନୀତି ଅଧ୍ୟାପକ ବଳରାମ ପଧାନ, ଓଡ଼ିଆ ଅଧ୍ୟାପକ ହେମନ୍ତ ସାହୁ, ଉପଗ୍ରନ୍ଥାଗାର ଗୌରାଙ୍ଗ ବେମାଲ, ଶିକ୍ଷକ ସରୋଜ ନାଏକ, କିରାଣୀ ଝସକେତନ ସାହୁ, ଲାଇବ୍ରେରୀ ଆଟଣ୍ଡାଣ୍ଟ ଲକ୍ଷ୍ମଣ ପଧାନ ପ୍ରମୁଖ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ । ଶେଷରେ ଇତିହାସ ଅଧ୍ୟାପକ ବିଜୟ ଜାଲ ଧନ୍ୟବାଦ ଅର୍ପଣ କରିଥିଲେ ।
