ଟିଟିଲାଗଡ, (ଗୌରବ ଦର୍ଜୀ) : ଆଜି ଟିଟିଲାଗଡ ଥାନା ଅନ୍ତର୍ଗତ ଦେଶିଲ ଗ୍ରାମ ଏକ ଦୁର୍ଘଟଣା ଘଟିଛି । ଜଣେ ସାଇକେଲ ଚାଳକ ବିଟାବନ୍ଧରୁ ଡ଼ଙ୍ଗରପଟା ଯିବା ବାଟରେ ଦେଶିଲ୍ ଗ୍ରାମ ପାଖରେ ଟ୍ରାକ୍ଟରରେ ପିଟି ହୋଇ ପଡ଼ି ରହିଥିଲେ । ଦେଶିଲ ଗ୍ରାମର ପ୍ରତାପ ଭୋଇ ନାମକ ଜଣେ ବ୍ୟକ୍ତି ଉକ୍ତ ସାଇକେଲ ଚାଳକକୁ ତୁରନ୍ତ ଟିଟିଲାଗଡ ମୁଖ୍ୟ ଡାକ୍ତରଖାନାକୁ ଆଣିଥିଲେ । ଦୁର୍ଘଟଣାଗ୍ରସ୍ତ ବ୍ୟକ୍ତିଙ୍କ ନାମ ଦୁର୍ଜ ରଣା (ବୟସ -୫୫) ବୋଲି ଜଣାପଡିଛି । ଉକ୍ତ ବ୍ୟକ୍ତିଙ୍କ ପରିବାର ଲୋକଙ୍କୁ ଖବର ଦେବା ପରେ ସଙ୍ଗେ ସଙ୍ଗେ ଡ଼ାକ୍ତରଖାନାରେ ପହଞ୍ଚିଥିଲେ । ଡାକ୍ତର ବ୍ୟକ୍ତିଙ୍କର ପ୍ରାଥମିକ ଚିକିତ୍ସା କରି ରକ୍ତ ବହି ଯାଇଥିବା କହି ବଲାଙ୍ଗୀର ଡ଼ାକ୍ତରଖାନାକୁ ସ୍ଥାନାନ୍ତର କରିବା ପାଇଁ ନିର୍ଦ୍ଦେଶ କରିଛନ୍ତି । ଟିଟିଲାଗଡ ପୋଲିସ ଷ୍ଟେସନର ଖାମଶୀଙ୍ଗ ମାଝୀ ଡାକ୍ତରଖାନାକୁ ପହଞ୍ଚି ଏକ ଦୁର୍ଘଟଣା ମାମଲା ରୁଜ୍ଜୁ କରିଛନ୍ତି । ଟ୍ରାକ୍ଟରର କୌଣସି ସୂଚନା ଏ ପର୍ୟ୍ୟନ୍ତ ମିଳିନଥିବା ଜଣାଯାଇଛି ।