ଶିବତଲା, (କେପିଏନ୍ଏସ୍) : ଶିବତଲା ମିନି ଷ୍ଟାଡିୟମରେ ଶିବତଲା ପ୍ରିମିୟମ ଲିଗ୍ କ୍ରିକେଟ ଟୁର୍ଣ୍ଣାମେଣ୍ଟ-୨୦୨୩ ଉଦ୍ଯାପିତ ହୋଇଯାଇଛି । ଫାଇନାଲ ମ୍ୟାଚ ମାଇଷ୍ଟିକ ମୁଷ୍ଟାଙ୍ଗସ ବନାମ ଜୟ ଭୋଲେ ଇଲେଭେନ ମଧ୍ୟରେ ଅନୁଷ୍ଠିତ ହୋଇଥିବା ବେଳେ ମାଇଷ୍ଟିକ ମୁଷ୍ଟାଙ୍ଗସ ଦଳ ୮ ଉଇକେଟରେ ବିଜୟୀ ହୋଇଥିଲେ । ଚୁଡାନ୍ତ ମ୍ୟାଚରେ ଶିବତଲା ସେବା ସମବାୟ ସମିତି ବ୍ୟାଙ୍କର ଅଧ୍ୟକ୍ଷ ପ୍ରଦ୍ୟୁମ୍ନ ହୋତା ମୁଖ୍ୟ ଅତିଥି, ହେମସାଗର ମାଝୀ ସମ୍ମାନିତ ଅତିଥି ଓ ଗ୍ରାମ୍ୟ କମିଟି ସଭାପତି ଛବିଳ ପୂଜାରୀ ମୁଖ୍ୟବକ୍ତା ରୂପେ ଯୋଗଦେଇ ପୁରସ୍କାର ବିତରଣ କରିଥିଲେ । ଉକ୍ତ ଟୁର୍ଣ୍ଣାମେଣ୍ଟରେ ମଧୁସୂଦନ ପୁଟେଲ, ପିତାମ୍ବର ପାଣ୍ଡେ, ଗୁଲାପ ଦାସ, ସୁଜିତ ମାଝୀ, ରାଜା ବେହେରା, ଶିବା ବେହେରା, ସାନନ୍ଦ ପୁଟେଲ, ଯୁଗେଶ୍ଵର ପାଣ୍ଡେ ପ୍ରମୁଖ ସକ୍ରିୟ ଅଂଶଗ୍ରହଣ କରି ଶୃଙ୍ଖଳା ସହିତ ଟୁର୍ଣ୍ଣାମେଣ୍ଟକୁ ସଫଳ କରିଥିଲେ ।