ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ନିକଟସ୍ଥ ଦର୍ବେକେଲାଠାରେ ମା’ ମାଉଳି କ୍ରିକେଟ କ୍ଲବ ଦ୍ଵାରା ଆୟୋଜିତ ୨ୟ ମା’ ମାଉଳି ରାତ୍ର କାଳୀନ କ୍ରିକେଟ ଟୁର୍ଣ୍ଣାମେଣ୍ଟ ଅନୁଷ୍ଠିତ ହୋଇଯାଇଛି । ସୋମବାର ଉଦ୍ଘାଟନୀ ସନ୍ଧ୍ୟାରେ ସୁନୀଲ ବେହେରା ମୁଖ୍ୟ ଅତିଥି ଓ ଫୁଲ ଚନ୍ଦନ ବରିହା ସମ୍ମାନିତ ଅତିଥି ରୂପେ ଯୋଗଦେଇ ଟୁର୍ଣ୍ଣାମେଣ୍ଟକୁ ଉଦ୍ଘାଟିତ କରିଥିଲେ । ଏହି ପ୍ରତିଯୋଗିତାରେ ୩୬ଟି ଦଳ ଅଂଶଗ୍ରହଣ କରିଥିଲେ । ଫାଇନାଲ୍ ମ୍ୟାଚ୍ରେ ମହୁଲପାଲି ଦଳ ବିସୋରା ଦଳକୁ ହରାଇ ଚାମ୍ପିୟନ ହୋଇଥିଲେ । ଉଦ୍ଯାପନୀ ଉତ୍ସବରେ ଭୋଜରାଜ ସିଂ ବରିହା ମୁଖ୍ୟ ଅତିଥି ଏବଂ ହରେକୃଷ୍ଣ ଥପା ସମ୍ମାନିତ ଅତିଥି ରୂପେ ଯୋଗଦେଇ ବିଜୟୀ ଓ ପରାଜିତ ଦଳକୁ ନଗଦ ଟଙ୍କା ସହିତ ଟ୍ରଫି ପ୍ରଦାନ କରିଥିଲେ । ମହୁଲପାଲି ଦଳର ସୁବ୍ରତଙ୍କୁ ମ୍ୟାନ୍ ଅଫ ଦି ମ୍ୟାଚ୍ ଓ ବିସୋରା ଦଳର ମୁକେଶଙ୍କୁ ମ୍ୟାନ୍ ଅଫ ଦି ସିରିଜ ପୁରସ୍କାର ପ୍ରଦାନ କରାଯାଇଥିଲା । ଏହି ମ୍ୟାଚ୍ରେ ସପନେ ଓ ବିଜୟ ଅମ୍ପାୟାରିଂ ଏବଂ ସୁରେନ ଓ ସ୍ୱରାଜ ସ୍କୋରିଂ ଦାୟିତ୍ୱ ତୁଳାଇଥିଲେ । ବିକାଶ ଓ ପ୍ରଶାନ୍ତ ଧାରା ବିବରଣୀ ପ୍ରଦାନ କରିଥିଲେ । ଆକାଶ, ନିକାଶ ଓ କ୍ଲବର ଅନ୍ୟ ସଦସ୍ୟମାନେ ସହଯୋଗ କରିଥିଲେ । ଶେଷରେ ବିକାଶ ଧନ୍ୟବାଦ ଅର୍ପଣ କରିଥିଲେ ।