ବଲାଙ୍ଗିର, (କେପିଏନ୍ଏସ୍) : ଜେଏସ୍ଏମ୍ କଲେଜ ଆନୁକୂଲ୍ୟରେ ଖୁଜେନପାଲି ହାଇସ୍କୁଲ ଖେଳ ପଡିଆଠାରେ କଲେଜର ଛାତ୍ରଛାତ୍ରୀମାନଙ୍କୁ ନେଇ ଏକ ଇଣ୍ଟ୍ରା କଲେଜ କ୍ରିକେଟ ଟୁର୍ଣ୍ଣାମେଣ୍ଟ ଅନୁଷ୍ଠିତ ହୋଇଯାଇଛି । ଉଦ୍ଘାଟନୀ ଉତ୍ସବରେ ବଲାଙ୍ଗିର ଜିଲ୍ଲା ଓକିଲ ସଂଘର ସମ୍ପାଦକ ଅମନ ନାଗ ଓ ସମାଜସେବିକା ଶ୍ରୀମତୀ ସବିତା ବାର୍ଲା ଅତିଥି ଭାବରେ ଯୋଗ ଦେଇ ଟୁର୍ଣ୍ଣାମେଣ୍ଟକୁ ଉଦ୍ଘାଟନ କରିଥିଲେ । ଅନ୍ୟତମ ଅତିଥି ଭବରେ ରାଜ୍ୟ ବୋଲିଂ ଏସୋସିଏସନ୍ର ସାଧାରଣ ସମ୍ପାଦକ ସୁମିତ କୁମାର ପୁରୋହିତ ଯୋଗଦେଇ ଖେଳାଳିମାନଙ୍କୁ ଉତ୍ସାହିତ କରିଥିଲେ । ପୁଣି ଖେଳ ପଡିଆରେ ଅନ୍ୟାନ୍ୟ ଅତିଥି ଭାବରେ ବଲାଙ୍ଗିର ନାଗରିକ କମିଟିର ସମ୍ପାଦକ ଶିକ୍ଷାବିତ୍ ମନୋରଞ୍ଜନ ସାହୁ, ପୂର୍ବତନ କଲେଜ ଅଧ୍ୟକ୍ଷ ପୀତବାସ ପଣ୍ଡା, ସାଂବାଦିକ ରଘୁନନ୍ଦନ ସିଂହ, ଜେଏସ୍ଏମ୍ କଲେଜର ଚେୟାରମ୍ୟାନ ସି.ଏ ଶ୍ରୀକାନ୍ତ ଶର୍ମା ଓ ନିର୍ଦ୍ଦେଶିକା ଶ୍ରୀମତୀ ସୁମନ ଶର୍ମା ପ୍ରମୁଖ ମଞ୍ଚାସୀନ ହେବା ସହିତ ଛାତ୍ରଛାତ୍ରୀ ମାନଙ୍କୁ ଉତ୍ସାହ ପ୍ରଦାନ କରିଥିଲେ । ଟୁର୍ଣ୍ଣାମେଣ୍ଟରେ ଛାତ୍ର ଦଳ ସୁପର କେପିଟାଲ୍, ଫଣ୍ଡ୍ ରାଇଜର, ଇକ୍ୟୁଟି ୱାରିଅର ଓ ଏକାଉନଣ୍ଟିଙ୍ଗ ଏଭେଞ୍ଜର ଏବଂ ଛାତ୍ରୀ ଦଳ ଟ୍ରାଞ୍ଜବଲ ଟ୍ୟାଟନ ଓ ଗୁଡ୍ ୱିଲ୍ ଗାର୍ଲ୍ସ ମୋଟ ୬ଟି ଦଳ ଅଂଶଗ୍ରହଣ କରିଥିଲେ । ଛାତ୍ର ଦଳ ମଧ୍ୟରୁ ଫାଇନାଲ ମ୍ୟାଚ ସୁପର କେପିଟାଲ୍ ଓ ଫଣ୍ଡ ରାଇଜର ଦଳ ମଧ୍ୟରେ ଅନୁଷ୍ଠିତ ହୋଇଥିବା ବେଳେ ଫଣ୍ଡ୍ ରାଇଜର ଦଳ ବିଜେତା ହୋଇଥିଲେ । ଛାତ୍ରୀ ଦଳ ମଧ୍ୟରୁ ଟ୍ରାଞ୍ଜବଲ ଟ୍ୟାଟନ ଦଳ ବିଜେତା ହୋଇଥିଲେ । କଲେଜର ଏଚ୍ଓଡି, ଏଓ, ଖେଳ ଶିକ୍ଷକ, ଅନ୍ୟାନ୍ୟ ଶିକ୍ଷକ ଶିକ୍ଷୟତ୍ରୀ ଓ ସମସ୍ତ ଆଡମିନ୍ ଷ୍ଟାଫ ମାନଙ୍କର ସହଯୋଗରେ ଟୁର୍ଣ୍ଣାମେଣ୍ଟ ସମ୍ପାଦନ ହୋଇଛି ।
