ବଲାଙ୍ଗିର, (କେପିଏନ୍ଏସ୍) : କଫ ସିରପ ରଖିଥିବା ଅଭିଯୋଗରେ ଜଣେ ଗିରଫ ହୋଇଥିବା ସୂଚନା ମିଳିଛି । ବଲାଙ୍ଗିର ସହର ବରପାଲିପଡାରେ କଫ୍ ସିରପ୍ ରଖିଥିବା ଅଭିଯୋଗରେ ଟାଉନ ପୁଲିସ ଜଣେ ବ୍ୟକ୍ତିଙ୍କୁ ଗିରଫ କରିଛି । ସୂଚନା ଅନୁସାରେ ଗିରଫ ବ୍ୟକ୍ତି ଜଣକ ହେଲେ ମଦନ ଗୋପାଳ ନାଥ (୫୦) । ତାଙ୍କ ଠାରୁ ୮ ବୋତଲ କଫ ସିରପ ଜବତ ହୋଇଥିବା ସୂଚନାରେ କୁହାଯାଇଛି । ସୂଚନାରେ କୁହାଯାଇଛି ଯେ, ମଦନ ତାଙ୍କ ଘରେ କଫ୍ ସିରପ୍ ରଖିଥିବା ଟାଉନ ପୁଲିସ ଖବର ପାଇଥିଲା । ପିସିଆର୍ର ଏକ ଟିମ୍ ତାଙ୍କ ଘର ଉପରେ ଚଢ଼ାଉ କରି ଯାଞ୍ଚ କରିବାରୁ କଫ୍ ସିରପ୍ ମିଳିଥିଲା । ଏନେଇ ତାଙ୍କୁ ଗିରଫ କରି ଥାନାକୁ ଅଣାଯାଇଥିଲା । ଆଜି କୋର୍ଟ ଚାଲାଣ କରାଯିବ ବୋଲି ସୂଚନା ରହିଛି ।