ରାଜ୍ୟରେ ଗତ ୨୪ ଘଂଟାରେ ୧୦,୬୩୫ ଆକ୍ରାନ୍ତଙ୍କ ସଂଖ୍ୟା : ଖୋର୍ଦ୍ଧା ଜିଲ୍ଲାରୁ ୧୫୬୪ ଏବଂ ବଲାଙ୍ଗିର ଜିଲ୍ଲାରୁ ୩୧୮
ଭୁବନେଶ୍ୱର, (କେପିଏନ୍ଏସ୍) : ଅମାନିଆ କରୋନା ସଂକ୍ରମଣ ବ୍ୟାପୁଛି । ଗତ ୨୪ ଘଂଟା ମଧ୍ୟରେ ରାଜ୍ୟରେ ୧୦,୬୩୫ ନୂଆ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ଏବେ ସକ୍ରିୟ ରୋଗୀଙ୍କ ସଂଖ୍ୟା ୯୩,୨୮୭ରେ ପହଂଚିଛି । ନୂଆ ଆକ୍ରାନ୍ତଙ୍କ ମଧ୍ୟରୁ ୬୦୧୨ ଜଣ କ୍ୱାରେନ୍ଟାଇନ୍ରୁ ଏବଂ ୪୬୨୩ ଜଣ ଆଂଚଳିକ ସଂକ୍ରମଣରୁ ଚିହ୍ନଟ ହୋଇଥିବା ରାଜ୍ୟ ସୂଚନା ଓ ଲୋକ ସଂପର୍କ ବିଭାଗ ପକ୍ଷରୁ ସୂଚନା ପ୍ରଦାନ କରାଯାଇଛି । ଜିଲ୍ଲା ଅନୁସାରେ ଅନୁଗୁଳରୁ ୫୫୯, ବାଲେଶ୍ୱରରୁ ୩୦୧, ବରଗଡ଼ରୁ ୪୪୩, ଭଦ୍ରକରୁ ୧୦୦, ବଲାଙ୍ଗିରରୁ ୩୧୮, ବୌଦ୍ଧରୁ ୧୭୯, କଟକରୁ ୮୮୭, ଦେବଗଡ଼ରୁ ୧୩୭, ଢେ଼ଙ୍କାନାଳରୁ ୧୪୬, ଗଜପତିରୁ ୧୦୧, ଗଂଜାମରୁ ୨୬୬, ଜଗତସିଂହପୁରରୁ ୧୪୦, ଯାଜପୁରରୁ ୨୯୦, ଝାରସୁଗୁଡ଼ାରୁ ୪୫୬, କଳାହାଣ୍ଡିରୁ ୪୬୯, କନ୍ଧମାଳରୁ ୭୩, କେନ୍ଦ୍ରାପଡ଼ାରୁ ୧୧୭, କେଉଁଝରରୁ ୧୯୩, ଖୋର୍ଦ୍ଧାରୁ ୧୫୬୪, କୋରାପୁଟରୁ ୧୨୭, ମାଲକାନଗିରିରୁ ୭୯, ମୟୁରଭଂଜରୁ ୧୭୯, ନବରଂଗପୁରରୁ ୩୩୬, ନୟାଗଡ଼ରୁ ୨୫୩, ନୂଆପଡ଼ାରୁ ୩୨୪, ପୁରୀରୁ ୪୩୪, ରାୟଗଡ଼ାରୁ ୧୫୮, ସମ୍ବଲପୁରରୁ ୬୪୧, ସୋନପୁରରୁ ୧୪୯, ସୁନ୍ଦରଗଡ଼ରୁ ୯୪୩ ଓ ଷ୍ଟେଟ ପୁଲ୍ରୁ ୨୭୩ ଚିହ୍ନଟ ହୋଇଛନ୍ତି ।