
ବ୍ରହ୍ମପୁର, (କେ.ସତ୍ୟନାରାୟଣ ରେଡ୍ଡୀ) : ଛତ୍ରପୁର ବ୍ଲକ ଅନ୍ତର୍ଗତ ପୋଟ୍ଟଲାମପୁର ଗ୍ରାମ ପଞ୍ଚାୟତର ହଂସପୁର ଗ୍ରାମ ଠାକୁରାଣୀ ମନ୍ଦିର ପ୍ରାଙ୍ଗଣରେ କଂଗ୍ରେସ ପାର୍ଟି ପକ୍ଷରୁ ଛତ୍ରପୁର ନିର୍ବାଚନ ମଣ୍ଡଳୀର ଏକ ସାଂଗଠନିକ ବୈଠକ ଅନୁଷ୍ଠିତ ହୋଇଯାଇଛି । ପ୍ରଦେଶ କଂଗ୍ରେସ କମିଟି ଗଞ୍ଜାମ ଜିଲ୍ଲାର ପ୍ରଭାରୀ ଟୁଲେଶ୍ୱର୍ ନାୟକଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ବୈଠକରେ ମୁଖ୍ୟତଃ ବ୍ଲକ ସଭାପତି ଚୟନ ପ୍ରକ୍ରିୟା ନିମନ୍ତେ ଅନୁଷ୍ଠିତ ବୈଠକରେ ଆଲୋଚନା କରାଯାଇଥିଲା ।ସଭାପତି ତଥା ଜିଲ୍ଲା କନଭେନର ତ୍ରିନାଥ ବେହେରା, ଉପ-ସଭାପତି ତଥା କାର୍ଯ୍ୟକାରୀ କନଭେନର ରଶ୍ମୀରଞ୍ଜନ ପଟ୍ଟାନାୟକ ଏହି କାର୍ଯ୍ୟକ୍ରମରେ ନେତ୍ତୃତ୍ଵ ନେଇଥିଲେ । ପୋଟ୍ଟଲାମପୁର ଗ୍ରାମ ପଞ୍ଚାୟତର ମୁଖ୍ୟ ଗଣପତି ବାରିକ, ସଞ୍ଜୟ କୁମାର ମଣ୍ଡଳ, କବିସୂର୍ଯ୍ୟନଗର, ବିଧାୟକ ପ୍ରାର୍ଥୀ ତଥା ଜିଲ୍ଲାସାଧାରଣ ସମ୍ପାଦକ ଅଶୋକ ପଟ୍ଟନାୟକ, ଶ୍ୟାମସୁନ୍ଦର ସାହୁ, ଗୋପାଳପୁର ବିଧାୟକ ପ୍ରାର୍ଥୀ ବୃନ୍ଦାବନ ଖଟେଇ, କିସାନ କଂଗ୍ରେସ ସଭାପତି ମହେଶ୍ୱର ପାତ୍ର, କେ.ବସନ୍ତ ପଟ୍ଟନାୟକ, ପଦ୍ମ ସାହୁ ପ୍ରମୁଖ ମଞ୍ଚାସୀନ ଥିଲେ । ପ୍ରାରମ୍ଭରେ ଉପସ୍ଥିତ ସମସ୍ତ ଅତିଥିମାନଙ୍କୁ ସ୍ଵାଗତ ସ୍ୱରୂପ ଉପଢ଼ୌକନ ଦେଇ ସମ୍ବର୍ଦ୍ଧିତ କରାଯାଇଥିଲା । ସ୍ଥାନୀୟ ପଞ୍ଚାୟତର ପୁରାତନ ସମିତି ସଭ୍ୟ କୁନା ଦାଶ ,ବଉଳଗାଁ ପଞ୍ଚାୟତର ପୂର୍ବତନ ସମିତି ସଭ୍ୟ ରଙ୍କ ଦାଶ, ମାଧବପୁର ପଞ୍ଚାୟତର ଅଶୋକ କୁମାର ମହାପାତ୍ର ପ୍ରମୁଖ ଯୋଗ ଦେଇ ସମଗ୍ର ଗଞ୍ଜାମ ଜିଲ୍ଲାର ନେତୃତ୍ୱକୁ ଗୁରୁତ୍ୱାରୋପ କରାଯାଇ କଂଗ୍ରେସ ଦଳର ସାଂଗଠନିକ ଦାୟିତ୍ୱ, ଏବଂ ପାର୍ଟିକୁ ମଜବୁତ କରିବାକୁ ସମସ୍ତେ ଉଦ୍ୟମ କରିବାକୁ ଆହ୍ୱାନ ଦିଆଯାଇଛି । ସମସ୍ତେ ଏଥିପାଇଁ ଏକତାବଦ୍ଧ ହୋଇ କର୍ଯ୍ୟକରିବାକୁ କାର୍ଯ୍ୟକାରୀ କନଭେନର ରଶ୍ମୀରଞ୍ଜନ ପଟ୍ଟାନାୟକ କର୍ମୀମାନଙ୍କୁ ଗୁରୁ ଦାୟିତ୍ଵ ପ୍ରଦାନ କରିଥିଲେ ।