ଲୋଇସିଂହ, (କେପିଏନ୍ଏସ୍) : ଏନ୍ଏଚ୍ ନଂ ୨୬ର ସ୍ଥାନୀୟ କଲେଜଛକ ନିକଟରେ ସୋମବାର ରାତିରେ ଏକ ଦୁର୍ଘଟଣା ହୋଇଥିବା ଜଣାପଡିଛି । ଏକ ୧୪ ଚକିଆ ପାଉଁଶ ବୋଝେଇ ଟ୍ରକ(ଏପି୩୫ ୱାଇ୭୧୮୯) ରାସ୍ତା କଡରେ ଥିବା ଏକ ଭ୍ୟାନ (ଓଆର୍୧୭ଜି୧୨୨୮) ଉପରେ ଚଢି ଓଲଟି ପଡିଥିଲା । ଏଥିରେ ପିକ୍ଅପ୍ଟି ଚୂରମାର ହୋଇଯାଇଛି । ନିକଟସ୍ଥ ଲୋକେ ଆହତ ଟ୍ରକ୍ ଚାଳକଙ୍କୁ ଉଦ୍ଧାର କରି ସ୍ଥାନୀୟ ଚିକିତ୍ସାଳୟକୁ ନେଇଥିଲେ । ଟ୍ରକ ଡ୍ରାଇଭର ନିଶାଶକ୍ତ ଅବସ୍ଥାରେ ଗାଡ ଚଳାଉଥିବାରୁ ଏଭଳି ଦୁର୍ଘଟଣା ଘଟିଥିବା ସ୍ଥାନୀୟ ଲୋକେ କହିଛନ୍ତି ।