ରାୟଗଡ଼ା, (ଅକ୍ଷୟ କୁମାର ପିଡ଼ିସିକା) : ଶିଶୁ ଖାଦ୍ୟ “ଛତୁଆ” ଏହାକୁ ରାଜ୍ୟ ସରକାରଙ୍କ ସମନ୍ୱିତ ଶିଶୁ ବିକାଶ ଯୋଜନା ମଧ୍ୟରେ ପୁଷ୍ଟିହୀନତା ଦୂର କରିବା ପାଇ ପ୍ରଥମରୁ ୩ ବର୍ଷ ପର୍ଯ୍ୟନ୍ତ ପିଲାଙ୍କୁ ଦିଆଯାଇଥାଏ । କିନ୍ତୁ ଏକ ବିପରୀତ ଘଟଣା ରାୟଗଡା ଜିଲ୍ଲା କାଶୀପୁର ବ୍ଲକ ଅନ୍ତର୍ଗତ ଅଡାଜର ଗ୍ରାମରେ ଦେଖିବାକୁ ମିଳିଛି । ଅଡାଜର ସ୍ୱାସ୍ଥ୍ୟ ଓ ଆରୋଗ୍ୟ କେନ୍ଦ୍ର ନିକଟରେ କିଛି ଛତୁଆ ଗୁଣ୍ଡ ଜରାଜୀର୍ଣ୍ଣ ଅବସ୍ଥାରେ ଫିଙ୍ଗା ଯାଇଥିବା ଏକ ଭିଡ଼ିଓ କ୍ଲିପ ଫେସ୍ବୁକ୍ରେ ଭାଇରାଲ ହୋଇଥିଲା । ଏହାର ଖବର ପାଇ କାଶୀପୁର ଶିଶୁ ବିକାଶ ଅଧିକାରୀ ଏବଂ ଅନ୍ୟ କର୍ମଚାରୀ ଘଟଣାର ତଦନ୍ତ କରିଥିଲେ । ଆଶ୍ଚର୍ଯ୍ୟର ବିଷୟ ହେଲା । ଯେଉଁ ମାନେ ଶିଶୁ ଖାଦ୍ୟ ହିତାଧିକାରୀ ସେମାନଙ୍କ ଛତୁଆ ପ୍ରତି କୌଣସି ଅଭିଯୋଗ ନାହିଁ । ସବୁବେଳେ ଠିକ ସମୟରେ ଛତୁଆ, ଅଣ୍ଡା, ଶୁଖିଲା ଶିଶୁ ଖାଦ୍ୟ ମିଳୁଛି ବୋଲି କହୁଛନ୍ତି ହେଲେ ଏମାନଙ୍କ ୱାର୍କର ପ୍ରତି କୌଣସି ଅଭିଯୋଗ ନାହିଁ । ହେଲେ ଗ୍ରାମର ପୁରୁଷମାନଙ୍କ ଅଭିଯୋଗ ସବୁବେଳେ ରହୁଛି କାହିଁକି ? ଏହା ବର୍ତ୍ତମାନ ସମସ୍ତଙ୍କୁ ବିସ୍ମିତ କରିଛି । ବିଭାଗ ପକ୍ଷରୁ ଛତୁଆ ଫିଙ୍ଗା ଘଟଣାକୁ ଅସ୍ୱୀକାର କରାଯାଇଛି । ଯେତିକି ପିଲାସଂଖ୍ୟା ପ୍ରତିମାସରେ ସେତିକି ଛତୁଆ ପ୍ୟାକେଟ ଆସେ । ଏମିତି କୌଣସି ମାସରେ ଏକ ପ୍ୟାକେଟ ମଧ୍ୟ ଅଧିକା ଦିଆଯାଏ ନାହିଁ । ହେଲେ ବର୍ତ୍ତମାନ ଏହା ବ୍ୟତୀତ ଅଧିକା ଛତୁଆ ପ୍ୟାକେଟ କେଉଁଠୁ ଆସିଲା ? ଗ୍ରାମର ମହିଳାଙ୍କ ବୟାନକୁ ଅନୁମାନ କଲେ ଯାହା ଜଣାପଡୁଛି ସେହି ଅଞ୍ଚଳରେ କୌଣସି ଅଙ୍ଗନୱାଡି କେନ୍ଦ୍ରରେ ବୋଧେ କିଛି ମାସ ଧରି ଛତୁଆ ବଣ୍ଟନ କରାଯାଇନାହିଁ । କୌଣସି ଅଙ୍ଗନୱାଡି କେନ୍ଦ୍ରରୁ ଜରାଜୀର୍ଣ୍ଣ ଛତୁଆ ଆଣି ଏଠାରେ କେହି ଫୋଫାଡି ଦେଇଛନ୍ତି କି ଏବଂ କାଳେ ଏହା ଏକ ପ୍ରୟୋଜିତ ଷଡଯନ୍ତ୍ର ହୋଇ ଥାଇପାରେ ବୋଲି ଅଞ୍ଚଳରେ ଆକଳନ ହେଉଛି ।