centurian jitm

ଆସନ୍ତା ୪ରୁ ୯ ଏପ୍ରିଲ ମାଁ ଚନ୍ଦ୍ରସେନୀ ମହୋତ୍ସବ

  • ବିଶେଷ ଆକର୍ଷଣ ମୀନାବଜାର

ବଲାଙ୍ଗିର, (ଦେବାଶିଷ ମିଶ୍ର) : ଆସନ୍ତା ଏପ୍ରିଲ ୪ ରୁ ୯ ତାରିଖ ପର୍ଯ୍ୟନ୍ତ ମାଁ ଚନ୍ଦ୍ରସେନୀ ମହୋତ୍ସବ ଚିମିନିଭାଟି ପଡା ସ୍ଥିତ ଚନ୍ଦ୍ରସେନୀ ମନ୍ଦିରରେ ଜିଲ୍ଲା ସଂସ୍କୃତି ବିଭାଗ ଏବଂ ଓଡିଶା ଭାଷା ସାହିତ୍ୟ ଓ ସଂସ୍କୃତି ବିଭାଗ ସହଯୋଗରେ ଅନୁଷ୍ଠିତ ହେବ ବୋଲି ଆଜି ଏକ ସାମ୍ବାଦିକ ସମ୍ମିଳନୀରେ ମହୋତ୍ସବ କମିଟିର ସଭାପତି ଶମ୍ଭୁ ନାଗ ସୂଚନା ଦେଇଛନ୍ତି । କେଉଁ ଆବାହମାନ କାଳରୁ ମନ୍ଦିରରେ ଚୈତ୍ର ମାସ ଶୁକ୍ଳପକ୍ଷ ସପ୍ତମୀରୁ ପୂର୍ଣ୍ଣମି ପର୍ଯ୍ୟନ୍ତ ପୂଜାର୍ଚ୍ଚନା ହୋଇଆସୁଥିଲା । ତେବେ ପଡାର ଉଦ୍ୟମି ଯୁବକମାନଙ୍କ ଉଦ୍ୟମରେ କିଛି ବର୍ଷ ହେଲା ଏହାକୁ ମହାଆଡମ୍ବରରେ ପାଳନକରାଯାଉଛି । ଚଳିତ ବର୍ଷ ୧୩ ତମ ମହୋତ୍ସବ ଅନୁଷ୍ଠିତ ହେବ ବୋଲି ମଧ୍ୟ ଶ୍ରୀ ନାଗ ସୂଚନା ଦେଇଛନ୍ତି । ୪ ତାରିଖ ଦିନ ସନ୍ଧ୍ୟାରେ ପଡାର ସମସ୍ତ ମହିଳାମାନଙ୍କୁ ନେଇ ଏକ କଳସ ଶୋଭାଯାତ୍ରା ଅନୁଷ୍ଠିତ ହେବ । ଏହି ଶୋଭାଯାତ୍ରାରେ ଅନନ୍ୟ ସାଂସ୍କୃତିକ କାର୍ଯ୍ୟକ୍ରମ ସହ ଘୁମୁରା ବାଦ୍ୟ ମୁଖ୍ୟ ଆକର୍ଷଣ ରହିବ । ୫ ତାରିଖ ଠାରୁ ୭ ତାରିଖ ପର୍ଯ୍ୟନ୍ତ ପ୍ରତ୍ୟେହ ଚଣ୍ଡିପାଠର କାର୍ଯ୍ୟକ୍ରମ ରଖାଯାଇଥିବା ବେଳେ ସନ୍ଧ୍ୟାରେ ଲୋକନୃତ୍ୟ ପରିବେଷଣ କରାଯିବ । ୬ ତାରିଖ ଦିନ ସକାଳ ୯ଟାରୁ ଅଷ୍ଟ ପ୍ରହରୀ ନାମଯଜ୍ଞ ଅନୁଷ୍ଠିତ ହେବ । ୭ ତାରିଖ ସନ୍ଧ୍ୟାରେ ଭଜନ ସମାରୋହର କାର୍ଯ୍ୟକ୍ରମ ରଖାଯାଇଛି । ୮ ତାରିଖ ସନ୍ଧ୍ୟାରେ ସୁନ୍ଦରାକାଣ୍ଡ ପରାୟଣ ଅନୁଷ୍ଠିତ ହେବାକୁ ଥିବା ବେଳେ ୯ ତାରିଖ ସନ୍ଧ୍ୟାରେ ସମ୍ବଲପୁରୀ ମେଲୋଡି କାର୍ଯ୍ୟକ୍ରମ ରଖାଯାଇଛି । ସେହିପରି ୧୦ ତାରିଖ ଅପରାହ୍ନ ଘ.୪ ସମୟରେ ସମୁହିକ ପ୍ରସାଦ ସେବନର ବ୍ୟବସ୍ଥା କରାଯାଇଛି ବୋଲି ଶ୍ରୀ ନାଗ ସୂଚନା ଦେଇଛନ୍ତି । ଏହି ସାମ୍ବାଦିକ ସମ୍ମିଳନୀ ଅନ୍ୟମାନଙ୍କ ମଧ୍ୟରେ ସୁବଲ ମହାକୁର, ଶୁଭ୍ରାଂଶୁ ମିଶ୍ର, ଡ. ରାମଜୀ ପ୍ରସାଦ ଠାକୁର, ଶୁଶିଲ କୁମାର ରାଉତ, ମନୋଜ କୁମାର ଧଳ ଓ ପ୍ରଶାନ୍ତ କୁମାର ବିଶ୍ୱାଲ ପ୍ରମୁଖ ଉପସ୍ଥିତ ଥିଲେ ।

Leave A Reply

Your email address will not be published.