ପଦ୍ମପୁର, (ନିରୋଜ କୁମାର ପାଣୀ) : ମେଲଛାମୁଣ୍ଡା ଥାନା ଅନ୍ତର୍ଗତ ଗୁଦେରପାଲି ଅଞ୍ଚଳରେ ଏକ ମାସ ଭିତରେ ପୃଥକ୍ ପୃଥକ୍ ପାଞ୍ଚଟି ସ୍ଥାନରେ ବିଭିନ୍ନ ପ୍ରକାର ସାମଗ୍ରୀ ଚୋରି ହୋଇଛି । ଯଥା ଶ୍ରୀ ଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷାକେନ୍ଦ୍ରର ଆଲମାରୀ ଭାଙ୍ଗି ଚୋରି ଉଦ୍ୟମ, ଜାମୁଟପାଲି ପ୍ରାଥମିକ ବିଦ୍ୟାଳୟର ମଧ୍ୟାହ୍ନ ଭୋଜନ ପ୍ରସ୍ତୁତ କରୁଥିବା ଆସବାବପତ୍ର ତା’ସାଙ୍ଗକୁ ଗୁଦେରପାଲି ଗ୍ରାମର ଚାଷୀ ଟିକସ ସାଗରଙ୍କ ଚାଷଜମିରେ ଖୋଲା ହୋଇଥିବା ଗଭୀର ନଳକୂପରେ ବ୍ୟବହୃତ ମୋଟର ପମ୍ଫ, ଚାଷୀ ଗୁଲାବନ ପାତ୍ରଙ୍କ ଗଭୀର ନଳକୂପରେ ବ୍ୟବହୃତ କେବୁଲ ତାର ଯାର ଆନୁମାନିକ ମୂଲ୍ୟ ୪୦ ହଜାର ଟଙ୍କା ସେହିପରି ଗତକାଲି ରାତିରେ ଚାଷୀ ନିର୍ମଳ ପ୍ରଧାନଙ୍କ ଚାଷଜମିରେ ବ୍ୟବହୃତ ଗଭୀର ନଳକୂପର କେବୁଲ ତାର ଯାର ଆନୁମାନିକ ମୂଲ୍ୟ ପାଞ୍ଚ ହଜାର ହେବ ତାହା ମଧ୍ୟ ଚୋରି ହୋଇଯାଇଛି । ଏ ଅଞ୍ଚଳରେ ମେଲଛାମୁଣ୍ଡା ପୋଲିସର ପେଟ୍ରୋଲିଂ ଚାଲିଥିବା ବେଳେ ତଥାପି ଦିନକୁ ଦିନ ଚୋରଙ୍କ ପ୍ରାଦୁର୍ଭାବ ବଢ଼ି ଚାଲିଛି । ମେଲଛାମୁଣ୍ଡା ପୋଲିସର କାର୍ଯ୍ୟକଳାପ ଉପରେ ଲୋକଙ୍କ ସନ୍ଦେହ ସୃଷ୍ଟି କରୁଥିବା ଚର୍ଚ୍ଚା ହେଉଛି । ଯାହାକି ଆଗାମୀ ଦିନରେ ମେଲଛାମୁଣ୍ଡା ପୋଲିସ ପାଇଁ ବଡ ଚ୍ୟାଲେଞ୍ଜ ବୋଲି ସାଧାରଣରେ ଚର୍ଚ୍ଚା ହେଉଛି ।