- ସୁନ୍ଦରାକାଣ୍ଡ ଏବଂ ୧୫୦୦ ଭକ୍ତଙ୍କୁ ପ୍ରସାଦ ବଣ୍ଟନ କଲେ
ବଲାଙ୍ଗିର, (ଦେବାଶିଷ ମିଶ୍ର) : ସମଲେଇ ମନ୍ଦିର ଚୈତ୍ର ମାସରେ ମାଁଙ୍କ ପୂଜାର୍ଚ୍ଚନା ସହ ମାଁଙ୍କ ବେଶ ଦେଖିବା ପାଇଁ ବେଶ୍ ଭିଡ ହେଉଛି । ଏହି ଅବସରରେ ଯେଶୱାଲ ସମାଜ ପକ୍ଷରୁ ଚୈତ୍ର ମାସ ଆଜି ଦିନରେ ପ୍ରଭୁଶ୍ରୀ ରାମଚନ୍ଦ୍ର ଯୁଦ୍ଧ ବିଜେ କରିବା ପାଇଁ ମାଁଙ୍କୁ ପୂଜାର୍ଚ୍ଚନା କରିଥିଲେ ଓ ଆଜି ସ୍ଥାନୀୟ ସମଲେଇ ମନ୍ଦିର ପ୍ରାଙ୍ଗଣରେ ଯେଶୱାଲ ସମାଜ ପକ୍ଷରୁ ସୁନ୍ଦରାକାଣ୍ଡ, ରାମ କଥା ଓ ହୋମ ଯଜ୍ଞ ସହ ମହାଆଳତି ହୋଇଯାଇଛି । ପୂଜକ ବଳରାମ ମିଶ୍ର ରାମ କଥା କହିଥିବା ବେଳେ ସହଯୋଗ କରିଥିଲେ ଶରତ ଯେଶୱାଲ । ପୂଜା କର୍ତ୍ତା ଭାବେ କୁଲଦିପ ଯେଶୱାଲ ଓ ତାଙ୍କ ଧର୍ମପତ୍ନୀ ପ୍ରୀତି ଯେଶୱାଲ ପୂଜା ଦାୟିତ୍ୱ ତୁଳାଇଥିଲେ । ପୂଜାରେ ସମାଜର କର୍ମକର୍ତ୍ତା ଉପସ୍ଥିତ ଥିବା ବେଳେ ସଭାପତି ଚେଳାରାମ ଯେଶୱାଲ, ଉପସଭାପତି ରାଜକୁମାର ଯେଶୱାଲ, କୋଷାଧ୍ୟକ୍ଷ ଅନିଲ କୁମାର ଯେଶୱାଲ, ରାମ ପ୍ରସାଦ ଯେଶୱାଲ, ଅନିଲ ଯେଶୱାଲ, ପ୍ରଦୀପ ଯେଶୱାଲ, ଉଦୟ ଯେଶୱାଲ ଉପସ୍ଥିତ ଥିଲେ । ଏହି ଅବସରରେ ୧୫୦୦ ଭକ୍ତଙ୍କୁ ପ୍ରସାଦ ଓ ପଣା ବଣ୍ଟନ କରାଯାଇଥିଲା ।