ଖୋର୍ଦ୍ଧା : ଜଂକିଆ, ବାଘମାରୀ ଥାନା ସମେତ ଟାଉନ ଥାନା ପୋଲିସ ୪ ଜଣ ନିଶା ବେପାରୀଙ୍କୁ ଗିରଫ କରିଥିବା ଜଣାପଡିଛି । ସେମାନଙ୍କ ନିକଟରୁ ପ୍ରାୟ ଆଠ ଲକ୍ଷ ଟଙ୍କାର ବାଉନସୁଗାର ଜବତ ହୋଇଛି, କିନ୍ତୁ ଟାଉନ ଥାନା ପୋଲିସ ସ୍ଥାନୀୟ ଗୁରୁଜଙ୍ଗ ଗାଁ ନିକଟରେ ଥିବା ଏକ କମ୍ପାନୀ ନିକଟରୁ ୫୦.୧୦ ଗ୍ରାମ ବ୍ରାଉନ ସୁଗାର ଜବତ କରିଥିବା ଜଣାପଡିଛି । ଏ ଘଟଣାରେ ଖୋର୍ଦ୍ଧା ପୌର ପରିଷଦ ଅନ୍ତର୍ଗତ ଶ୍ରୀରାମ ନଗର ସ୍ଥିତ ସଞ୍ଜୟ କୁମାର ସାହୁ ଓ ଗୁରୁଜଙ୍ଗ ଗ୍ରାମର ରବିନ୍ଦ୍ର ବେହେରା ଦୁଇ ନିଶା ବେପାରୀଙ୍କୁ ଘଟଣା ସ୍ଥଳରୁ ଗିରଫ କରିଛି । ତାଙ୍କ ଠାରୁ ଜବତ ବ୍ରାଉନ ସୁଗାର ମୂଲ୍ୟ ୫ଲକ୍ଷ ୧୦ ହଜାରେ ଟଙ୍କା ହେବାକୁ ଥିବା ବେଳେ ଅଭିଯୁକ୍ତ ନାମରେ ନିଶା ବେପାର ଅଭିଯୋଗରେ ଟାଉନ ଥାନା ପୋଲିସ ଏକ ମାମଲା ରୁଜୁ କରି କୋର୍ଟ ଚାଲାଣ କରିଥିବା ଜଣାପଡିଛି ।