ଛତ୍ରପୁର ରିଜର୍ଭ ପୋଲିସ କଲୋନୀରେ ମା’ ବ୍ୟାଘ୍ରଦେବୀ ମନ୍ଦିରରେ ନବରାତ୍ର ପୂଜା : ଆଜି ବ୍ରହ୍ମଚାରିଣୀ ବେଶରେ ଦେବୀଙ୍କ ପୂଜାର୍ଚ୍ଚନା ଅନୁଷ୍ଠିତ

ବ୍ରହ୍ମପୁର, (କେ.ସତ୍ୟନାରାୟଣ ରେଡ୍ଡୀ) : ଗଞ୍ଜାମ ଜିଲ୍ଲା ମହକୁମା ଛତ୍ରପୁର ପୁରୁଣା ରିଜର୍ଭ ପୋଲିସ କଲୋନୀଠାରେ ଅବସ୍ଥାପିତ ସୌନ୍ଦର୍ଯ୍ୟମୟ ପରିବେଶରେ ନବନିର୍ମିତ ମା’କୁଲାଡ଼ ବ୍ୟାଘ୍ରଦେବୀ ମନ୍ଦିରରେ ନବରାତ୍ର ପୂଜା ପବିତ୍ର ମହାଳୟାରୁ ବିଧିବଦ୍ଧ ଭାବେ ସମାହିତ ହୋଇଆସୁଅଛି । ଛତ୍ରପୁରର ପୋଲିସ ସାମାଜିକ ସଂସ୍କୃତି କଲ୍ୟାଣ ସଂଗଠନ ପକ୍ଷରୁ ଆୟୋଜିତ ବିଭିନ୍ନ ପର୍ବପର୍ବାଣୀ ସହ ଅଧୂନା ଷୋଡଶ- ପୂଜାବିଧିରେ ଅନୁଷ୍ଠିତ ଏହି ନବରାତ୍ର ପୂଜା ମହାସମାରୋହରେ ପାଳିତ ହୋଇଆସୁଅଛି । ପ୍ରଥମଦିନରେ ମା’ ଶୈଳପୁତ୍ରୀ ବେଶରେ ଦର୍ଶନ ଦେଇଥିବା ବେଳେ ଆଜି ଅର୍ଥାତ ଗୁରୁବାର ଦିନ ମା’ ବ୍ୟାଘ୍ରଦେବୀଙ୍କ ବ୍ରହ୍ମଚାରିଣୀ ବେଶ ଲାଗି ହୋଇଛି । ଅଗଣିତ ଶ୍ରଦ୍ଧାଳୁ ମା’ଙ୍କ ବ୍ରହ୍ମଚାରିଣୀ ବେଶ ଦର୍ଶନ କରି ବିଭୂକୃପା ଲାଭ କରିଛନ୍ତି । କୋଭିଡ଼ କଟକଣା ମଧ୍ୟରେ ସମ୍ପାଦିତ ହୋଇ ଆସିଥିବା ବେଳେ ସନ୍ଧ୍ୟାବେଳେ ସ୍ୱତନ୍ତ୍ର ପୂଜାର୍ଚ୍ଚନା, ଢୋଲ, ଘଣ୍ଟ- ଝାଞ୍ଜ ବାଜଣାରେ ଆହୂତ ଦେବୀଙ୍କ ରାଜ- ଆଳତୀ ଦର୍ଶନ ଲାଗି ବହୁ ମହିଳା ଓ ପୁରୁଷଙ୍କ ସମାଗମ ହୋଇଥାଏ । ପୋଲିସ ମୁଖ୍ୟାଳୟର ବହୁ ବରିଷ୍ଟ ପଦାଧିକାରୀ ଆଜି ମା’ଙ୍କ ଏହି ବେଶ ଦର୍ଶନ କରି ଚରମ ଆନନ୍ଦ ଅନୂଭବ ପ୍ରକାଶ କରିଛନ୍ତି ।