
ପଦ୍ମପୁର, (କେପିଏନ୍ଏସ୍) : ପଦ୍ମପୁର ନିର୍ବାଚନ ମଣ୍ଡଳୀ ସ୍ତରୀୟ ବିଜୁ ଜନତା ଦଳ କର୍ମୀ ସମ୍ମିଳନୀ ଅନୁଷ୍ଠିତ ହୋଇଯାଇଛି । ବରିଷ୍ଠ ବିଜେଡି ନେତା ପ୍ରିତମ ମେହେରଙ୍କ ସଂଯୋଜନାରେ ଅନୁଷ୍ଠିତ ଏହି କର୍ମୀ ସମ୍ମିଳନିରେ ଗ୍ରାମ୍ୟ ଉନ୍ନୟନ ମନ୍ତ୍ରୀ ସୁଶାନ୍ତ ସିଂ, ଅର୍ଥମନ୍ତ୍ରୀ ନିରଞ୍ଜନ ପୁଜାରୀ, ବରଗଡ଼ ଜିଲ୍ଲା ପର୍ଯ୍ୟବେକ୍ଷକ ତଥା ଢେ଼ଙ୍କାନାଳ ବିଧାୟକ ସୁଧୀର ସାମଲ ଯୋଗଦେଇ ରାଜ୍ୟ ସରକାରଙ୍କ ଉନ୍ନତି ମୂଳକ କାର୍ଯ୍ୟ ବିଷୟରେ ଅବଗତ କରାଇଥିଲେ । ଏହା ସରକାରଙ୍କ ଲୋକାଭିମୁଖୀ ଯୋଜନା ବିଷୟରେ ଲୋକଙ୍କ ପାଖରେ ପହଞ୍ଚାଇବା ସହ ଆଗାମୀ ପଞ୍ଚାୟତ ନିର୍ବାଚନରେ ଦଳକୁ ଅଧିକରୁ ଅଧିକ ଭୋଟରେ ବିଜୟ କରିବା ପାଇଁ କର୍ମୀ ମାନଙ୍କୁ ଉଦବୋଧନ ଦେଇଥିବା ବେଳେ ଅନ୍ୟ ମାନଙ୍କ ମଧ୍ୟରେ ବିଜେଡି ଯୁବନେତା ଭୋଜରାଜ ସିଂ ବରିହା, ବରିଷ୍ଠ ବିଜେଡି ନେତା ପରମାନନ୍ଦ ଶାହା, ପ୍ରଶାନ୍ତ ମହାନ୍ତି, ଅଲତାବ ମହମ୍ମଦ, ବିଜୟ କେତନ ପ୍ରଧାନ, ଜତିନ ହାତୀ, ହୄଦାନନ୍ଦ ବାରିକ, ପ୍ରଦ୍ୟୁମ୍ନ ତ୍ରିପାଠୀ ଓ ବିଜୁ ମହିଳା ଦଳ ପଦ୍ମପୁର ବ୍ଳକ ସଭାନେତ୍ରୀ ରଜନୀ ସାହୁ, ପାଇକମାଲ ବ୍ଳକ ସଭାନେତ୍ରୀ କୁମାରୀ ବରିହା, ଝାରବନ୍ଧ ବ୍ଳକ ସଭାନେତ୍ରୀ ହାରାବତୀ ଗଡତିଆ ତଥା ଶତାଧିକ ବିଜେଡି କର୍ମୀ ଉପସ୍ଥିତ ଥିଲେ ।
