ସଇଁତଲା ବ୍ଲକର ବେଲଗାଁ ୩୧ ନଂ. ଜୋନର ବିଜେଡି ପ୍ରାର୍ଥିନୀ ରୀତାରାଣୀ ହାତୀ ପଞ୍ଚମ ରାଉଣ୍ଡରେ ୨୩୯୦ଟି ଭୋଟରେ ଆଗୁଆ

ସଇଁତଲା, (ପ୍ରମୋଦ ସେଲମା) : ବଲାଙ୍ଗିର ଜିଲ୍ଲା ସଇଁତଲା ବ୍ଲକ ବେଲଗାଁ ୩୧ ନମ୍ବର ଜୋନର ଜିଲ୍ଲା ପରିଷଦ ପ୍ରାର୍ଥିନୀ ବିଜେଡ଼ି ରିତାରାଣୀ ହାତୀ, କଂଗ୍ରେସରୁ ଦ୍ରୌପଦୀ ବେହେରା ଓ ବିଜେପିର ଉର୍ମିଳା ରଣା ମଇଦାନରେ ଓଲ୍ଲାଇଥିଲେ । ଆଜି ସଇଁତଲା କଲେଜ ପରିସରରେ ଭୋଟ ଗଣତି ଆରମ୍ଭ ହୋଇଥିବା ବେଳେ ବିଜେଡ଼ି ପ୍ରାର୍ଥିନୀ ରିତାରାଣୀ ହାତୀ ପଞ୍ଚମ ରାଉଣ୍ଡରେ କଂଗ୍ରେସ ପ୍ରାର୍ଥିନୀ ଦ୍ରୌପଦୀ ବେହେରାଙ୍କ ଠାରୁ ୨୩୯୦ଟି ଭୋଟରେ ଆଗୁଆ ରହିଛନ୍ତି । ଏହା ବେଲଗାଁ, ଶିଶକେଲା, ଘୁନସର, କଅଁସର, ଭଦ୍ରା ଓ ଡୁଙ୍ଗୁରିପାଲି ପଞ୍ଚାୟତକୁ ନେଇ ଗଠିତ । ଏଥିରେ ସଇଁତଲା ବିଡିଓ ତଥା ନିର୍ବାଚନ ଅଧିକାରୀ ଚନ୍ଦ୍ରମଣି ନାଗଙ୍କ ଅଧ୍ୟକ୍ଷତାରେ ଭୋଟ ଗଣତି ଆରମ୍ଭ ହୋଇଥିବା ବେଳେ ଶାନ୍ତି ଶୃଙ୍ଖଳାର ସହ ଭୋଟ ଗଣତି ଆରମ୍ଭ ହୋଇଯାଇଛି । ଏହି ଗଣତି ସମୟରେ ସଇଁତଲା ତହସିଲଦାର ସୁରେନ୍ଦ୍ର ମେହେର, ଆଇଆଇସି ଅବନୀ ସାହୁ, ମାଜିଷ୍ଟ୍ରେଟ ଲଳିତ ବାଗ, ଜିଲ୍ଲା ନୋଡାଲ ନିର୍ବାଚନ ଦାୟିତ୍ୱରେ ଅଧିକାରୀ ରୀନା କୁମାରୀ ନାୟକ ପ୍ରମୁଖ ଉପସ୍ଥିତ ରହିଛନ୍ତି ।