କନ୍ଧମାଳ, (ସୁରେନ୍ଦ୍ର କୁମାର ପାଣିଗ୍ରାହୀ) : କନ୍ଧମାଳ ଜିଲ୍ଲା ବିଜେଡି ଆଗରେ ସବୁ ଦଳର ଅଙ୍କ କଷା ଫେଲ ମାରିଛି । ପ୍ରଥମ ଦିନର ଗଣତିରେ ସମଗ୍ର କନ୍ଧମାଳ ଜିଲ୍ଲାରେ ବାଜିମାତ କରିଛି ବିଜେଡି । ଯଦିବି ବିଜେପି ବେଶ ଆଶା ବାନ୍ଧିଥିଲା ଅନେକ ସ୍ଥାନରେ ଉତ୍ସାହ ଜନକ ଫଳାଫଳ ଆସିବ ବୋଲି, ତଥାପି ବିଜେପିର ସବୁ ଆଶା ପାଣି ଫାଟି ଯାଇଛି । ଅନ୍ୟ ପକ୍ଷରେ କଂଗ୍ରେସର ସ୍ଥିତି ତ୍ରିସ୍ତରିୟ ପଞ୍ଚାୟତ ନିର୍ବାଚନ ଫଳାଫଳରେ ଅତ୍ୟନ୍ତ ଶୋଚନୀୟ ଜଣାପଡୁଛି । ଆଗରେ ରହିଛି ବିଜେଡି, ଅନ୍ୟ ଦୁଇ ପ୍ରମୁଖ ଦଳକୁ ପଛରେ ପକାଇ । ସମଗ୍ର କନ୍ଧମାଳ ଜିଲ୍ଲା ବିଜେଡି ଶିବିରରେ ଉତ୍ସାହ ଦେଖା ଦେଇଥିବା ବେଳେ ବିଜେପି ଓ କଂଗ୍ରେସ ଶିବିରରେ ଅତ୍ୟନ୍ତ ନିରୁତ୍ସାହଜନକ ସ୍ଥିତି ଦେଖିବାକୁ ମିଳୁଛି ।