ଚାଉଲସୁଖାରେ ୨୭ତମ ରାଜ୍ୟସ୍ତରୀୟ ଫୁଟବଲ ଟୁର୍ଣ୍ଣାମେଣ୍ଟର ଦ୍ୱିତୀୟ ଦିନ : ହଲଦି ଟ୍ରାଏ ବ୍ରେକର୍ ୪-୧ ଗୋଲରେ ମଧ୍ୟପୁରଠାରୁ ବିଜୟୀ
କଂଟାବାଂଜି, (ଗୁରୁଦୟାଲ ହଂସ) : ବଲାଙ୍ଗିର ଜିଲ୍ଲା ତୁରେକେଲା ବ୍ଲକ ଚାଉଲସୁଖା ଗ୍ରାମରେ ଚାଲିଥିବା ରାଜ୍ୟସ୍ତରୀୟ ଫୁଟବଲ ଟୁର୍ଣ୍ଣାମେଣ୍ଟ ବୁଧବାର ଦ୍ୱିତୀୟ ଦିନରେ ହଲଦି ଓ ମଧ୍ୟପୁର ମଧ୍ୟରେ ହୋଇଥିଲା । ଉଭୟ ଦଳ ମଧ୍ୟରେ ନିର୍ଦ୍ଧାରିତ ଖେଳ ସମୟ ମଧ୍ୟରେ କୌଣସି ଗୋଲ କରିପାରି ନଥିଲେ । ଫଳରେ ଉଭୟ ଦଳ ମଧ୍ୟରେ ଟ୍ରାଏ ବ୍ରେକର୍ ହୋଇଥିଲା । ଏଥିରେ ହଲଦି ୪-୧ ଗୋଲରେ ମଧ୍ୟପୁରଠାରୁ ବିଜୟୀ ହୋଇଛି । ଦ୍ୱିତୀୟ ଦିନର ମ୍ୟାଚ୍ରେ ଅବସରପ୍ରାପ୍ତ ସୈନିକ ଧନେଶ୍ୱର ମାଝି ମୁଖ୍ୟ ଅତିଥୀ ଭାବେ ଯୋଗଦେଇ ଖେଳାଳିମାନଙ୍କୁ ଉତ୍ସାହିତ କରିଥିଲେ । ଏହି ଖେଳକୁ ମୁଖ୍ୟ ରେଫରୀ ଶ୍ରୀବତ୍ସ ବେହେରା ପରିଚାଳନା କରିଥିଲେ । ଏହି ଖେଳକୁ ଯୁବରାଜ ଭୋଇ, ଭୁଜରାଜ ଭୋଇ ଓ ଅମୂଲ୍ୟ ଭୋଇ ସହଯୋଗ କରିଥିଲେ । ଗୁରୁବାର ଦିନ ପ୍ରଥମ ସେମିଫାଇନାଲ ହଲଦି ଓ ଜରାସିଙ୍ଗା ମଧ୍ୟରେ ଖେଳାଯିବ ବୋଲି କମିଟି ତରଫରୁ ସୂଚନା ମିଳିଛି ।