ବ୍ରହ୍ମପୁର, (କେ. ସତ୍ୟନାରାୟଣରେଡ୍ଡୀ) : ଛତ୍ରପୁର ସହରାଞ୍ଚଳର ୧୨ ନମ୍ୱର ୱାର୍ଡ଼ ରିକାପଲ୍ଲୀ ସାହିରେ ସୋମବାର ସନ୍ଧ୍ୟାରେ ହନୁମାନଙ୍କ ଶିଳା ବିଗ୍ରହ ବସିଲା । ଏହାକୁ ଏକ କ୍ରେନ୍ ସାହାଯ୍ୟରେ ଉଠାଯାଇ ବାସ୍ତୁ ବିଧାନ କ୍ରମେ ବସାଯାଇଛି । ସହରାଞ୍ଚଳର ସୌନ୍ଦର୍ଯ୍ୟକରଣ ମୁକ୍ତା ଯୋଜନାରେ ଆସିଥିବା ଏହି ଯୋଜନାକୁ ସାକାର କରାଯିବା ଅବସରରେ ଏହି ପ୍ରକଳ୍ପକୁ କାର୍ଯ୍ୟକାରୀ କରାଯାଉଛି । ଏହାକୁ ଆଗମୀ ଦିନରେ ବିଧିବଦ୍ଧ ଭାବେ ଯଜ୍ଞାନୁଷ୍ଠାନ ମାଧ୍ୟମରେ ଏହାକୁ ପ୍ରତିଷ୍ଠା କରାଯିବା ଏବଂ ନଗରବାସୀଙ୍କ ସାମୂହିକ ସହଯୋଗରେ ଏହାକୁ ଭବ୍ୟ ଆଡମ୍ବରପୂର୍ଣ୍ଣ ଆଧ୍ୟାତ୍ମିକ କାର୍ଯ୍ୟକ୍ରମ ସହ ଆୟୋଜିତ ହେବ ବୋଲି କାଉନ୍ସିଲର୍ ଶ୍ରୀମତୀ ବି. ନିଶ୍ଚଳା କହିଛନ୍ତି ।