- ଅଳ୍ପକେ ବର୍ତ୍ତିଲେ ଲୋକେ
କଣ୍ଟାବାଞ୍ଜି, (ପିତାମ୍ବର ଦୀପ) : ବଲାଙ୍ଗିର ଜିଲ୍ଲା ତୁରେକେଲା ବ୍ଲକ ଚଟୁଅନକା ପଞ୍ଚାୟତ କୁର୍ଲିଗାଁ ଧୁବଘାଟେନ ଛକ ପାଖରେ କାର୍ ଦୁର୍ଘଟଣା । ଅଳ୍ପକେ ବର୍ତ୍ତିଲେ ଚାଳକ । ସୂଚନା ଅନୁସାରେ ଶନିବାର ବିଳମ୍ବିତ ରାତିରେ ଏକ କାର୍ କଣ୍ଟାବାଞ୍ଜି ପଟୁ ଆଲିସାନ ସିନେମା ହଲ୍ ଯିବା ସମୟରେ ଭାରସାମ୍ୟ ହରାଇ ଦୁର୍ଘଟଣାଗ୍ରସ୍ତ ହୋଇଛି । ଦ୍ରୁତଗତିରେ ଯାଉଥିବା ଏକ ଆର୍ଟିକା କାର୍ ଏକ ଲୁହାର ବିଦ୍ୟୁତ୍ ଖୁଣ୍ଟରେ ପିଟି ହୋଇ ଯାଇଥିଲା । ଯାହା ଫଳରେ କାର୍ଟି ଏକ ପାଚେରୀ ଉପରେ ଚଢ଼ି ଯାଇ ଖୁଣ୍ଟକୁ ଭାଙ୍ଗି ଦେଇଥିଲା । ଚାଳକ ସୁରକ୍ଷିତ ଥିବା ବେଳେ କାର୍ର ଆଗପଟ ଭାଙ୍ଗି ଯାଇଥିବା ଦେଖିବାକୁ ମିଳିଛି । କଣ୍ଟାବାଞ୍ଜି ଆଲିସାନ ସିନେମା ହଲ୍କୁ ଜଣଙ୍କୁ ଆଣି ଯାଉଥିବା ବେଳେ ଏହି ଦୁର୍ଘଟଣା ଘଟିଥିବା ଜଣାପଡ଼ିଛି ।