ପଦ୍ମପୁର, (ନିରୋଜ କୁମାର ପାଣୀ) : ରାଜବୋଡ଼ାସମ୍ବର ବ୍ଲକ୍ ଅନ୍ତର୍ଗତ ଭେଉଁରିଆ ପଞ୍ଚାୟତ ଅଧିନସ୍ଥ ବୁଧାପାଲି ଉଚ୍ଚ ପ୍ରାଥମିକ ବିଦ୍ୟାଳୟଠାରେ ବସନ୍ତ ସାହୁଙ୍କ ସଭାପତିତ୍ୱରେ ନୂତନ ବିଦ୍ୟାଳୟ ପରିଚାଳନା କମିଟି ଗଠନ ହୋଇଯାଇଛି । ଉକ୍ତ ବୈଠକରେ ମହୁଲପାଲି କ୍ଲଷ୍ଟର୍ର ସି.ଆର୍.ସି.ସି. ସରୋଜ ପ୍ରସାଦ ଷଡଙ୍ଗୀ ମୁଖ୍ୟ ଅତିଥି ଭାବରେ ଯୋଗଦେଇ ବିଦ୍ୟାଳୟ ପରିଚାଳନା କମିଟିର ଉଦ୍ଦେଶ୍ୟ ଏବଂ ଆଭିମୁଖ୍ୟ ବିଷୟରେ ଆଲୋଚନା କରିଥିଲେ । ବିଦ୍ୟାଳୟର ପ୍ରଧାନ ଶିକ୍ଷକ ପ୍ରତାପ କୁମାର ସାହୁ ବିଦ୍ୟାଳୟ ପରିଚାଳନା କମିଟିର କର୍ତ୍ତବ୍ୟ ଏବଂ ରୂପରେଖ ବିଷୟରେ ବିସ୍ତୃତ ଭାବରେ ଆଲୋଚନା କରିଥିଲେ । ବିଦ୍ୟାଳୟ ପରିଚାଳନା କମିଟିର ସଦସ୍ୟ ସଦସ୍ୟାଙ୍କ ସର୍ବ ସମ୍ମତି କ୍ରମେ ଟୁନା ତୁମୁନିଆଁଙ୍କୁ ସଭାପତି ଭାବରେ ଚୟନ କରାଗଲା । ଅନ୍ୟମାନଙ୍କ ମଧ୍ୟରେ ରାଜେଶ ପାଣ୍ଡେ, ଗଣେଶ ରଣା, ଯାମିନୀ ରଞ୍ଜନ ପାଣ୍ଡେ, ପ୍ରଭୃତି ଅଭିଭାବକ ବୃନ୍ଦ ଉପସ୍ଥିତ ଥିଲେ । ଶିକ୍ଷକ ଆଶିଷ ସାହୁ ସ୍ୱାଗତ ଭାଷଣ ପ୍ରଦାନ କରିଥିବା ବେଳେ ଶିକ୍ଷକ ଦେବାନନ୍ଦ ଭୋଇ, ଅଖିଲ ପ୍ରଧାନ, ଶିକ୍ଷୟିତ୍ରୀ ନିଲୀମା ସୁନା, ଖେଳ ଶିକ୍ଷକ ପୌଲସ୍ତି ପ୍ରଧାନ ପ୍ରମୁଖ ଉପସ୍ଥିତ ରହି ସାହାଯ୍ୟ କରିଥିଲେ ।