ଗଞ୍ଜାମ, (ପ୍ରଦୀପ କୁମାର ପଣ୍ଡା) : ଗଞ୍ଜାମ ସହର ସ୍ଥିତ ଭାରତୀ ବିଦ୍ୟା ପୀଠ, ସଭା ଗୃହରେ ” ବିଦ୍ୟାଜ୍ୟୋତି ସମ୍ମାନ” ସମାରୋହ ୨୦୨୪ ଅନୁଷ୍ଠିତ ହୋଇଯାଇଛି । ସ୍ୱେଚ୍ଛାସେବୀ ଅନୁଷ୍ଠାନ ” ଭରସା ” ଦ୍ୱାରା ଅନୁଷ୍ଠିତ ହେଇଥିଲା । ଭରସାର ଉପଦେଷ୍ଟା ଅଧ୍ୟାପକ ଗିରିଶ କୁମାର ଆଚାର୍ଯ୍ୟଙ୍କ ସଭାପତିତ୍ୱରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ମୁଖ୍ୟଅତିଥି ଭାବେ ପୂର୍ବତନ ଉପବାଚସ୍ପତି ରାମଚନ୍ଦ୍ର ପଣ୍ଡା ଯୋଗଦେଇଥିଲେ । ମୁଖ୍ୟବକ୍ତା ଭାବେ ଗଞ୍ଜାମ ଏନ୍ଏସି ଅଧକ୍ଷା ପ୍ରତିଭା ପାଢ଼ୀ ଓ ସମ୍ମାନୀତି ଅତିଥି ରୂପେ ବରିଷ୍ଠ ପ୍ରଶାସକ ତଥା ପୂର୍ବତନ ପର୍ଯ୍ୟଟନ ଅଧିକାରୀ ବିନୋଦ କୁମାର ବେହେରା, ବିଶିଷ୍ଟ ସମାଜସେବୀ ରାମଚନ୍ଦ୍ର ପୃଷ୍ଟି ଓ ବିଶ୍ୱବ୍ୟାଙ୍କର ସାମାଜିକ ଉନ୍ନୟନ ବିଶେଷଜ୍ଞ ବିନୋଦ ଚନ୍ଦ୍ର ମହାପାତ୍ର ଯୋଗଦେଇଥିଲେ । ଭରସାର ସମ୍ପାଦକ ସାମ୍ବାଦିକ ଦୁର୍ଗା ମାଧବ ପାଣିଗ୍ରାହୀଙ୍କ ସଂଯୋଜନାରେ ଏହି ଉତ୍ସବରେ ଓ.ଏ.ଏସ୍. ସି.ଏଚ୍. ଗାୟତ୍ରୀ, ମାନସ କୁମାର ବେହେରା, ଗୌରୀଶଙ୍କର ବେହେରା ମଞ୍ଚାସୀନ ଥିବା ବେଳେ ଅନ୍ୟମାନଙ୍କ ମଧ୍ୟରେ ଗଞ୍ଜାମ ମିଡ଼ିଆ ହାଉସର ଉପଦେଷ୍ଟା ଲକ୍ଷ୍ମୀପାଢ଼ୀ, ସାମ୍ବାଦିକ ସୁଧୀର କୁମାର ନାହାକ ଉପସ୍ଥିତ ଥିଲେ । ପ୍ରଧାନ ଶିକ୍ଷୟତ୍ରୀ ତଥା ସୁଲେଖିକା ବିଦ୍ୟୁତଲତା ମିଶ୍ର ସ୍ୱାଗତ ଭାଷଣ ପ୍ରଦାନ କରିଥିବା ବେଳେ ଭରସାର ସହ ସମ୍ପାଦକ ବିନୋଦ କୁମାର ପଲେଇ ଅତିଥି ପରିଚୟ ପ୍ରଦାନ କରିଥିଲେ । ସେହିପରି ମାଟ୍ରିକ ପରୀକ୍ଷାରେ ବ୍ଲକ ଟପ୍ପର ହୋଇଥିବା ଗଞ୍ଜାମ ବ୍ଲକ ଗଞ୍ଜାମ ଏନ୍ଏସି, ରମ୍ଭା ଏନ୍ଏସି ହାଇସ୍କୁଲର, ମହାବିଦ୍ୟାଳୟ ଓ ବିଶ୍ୱବିଦ୍ୟାଳୟ ସୁନାମଧନ୍ୟ ବିଦ୍ୟାର୍ଥମାନଙ୍କୁ ଓ ପ୍ରଧାନଶିକ୍ଷକ ଡ଼ଃ. ଶଙ୍କର ନାରାୟଣ ବେଜଙ୍କୁ ସମ୍ମାନୀତି କରାଯାଇଥିଲା ଏହି କାର୍ଯ୍ୟକ୍ରମ ଦୀର୍ଘ ୨୫ ବର୍ଷଧରି ଭରସା ଅନୁଷ୍ଠାନ ପକ୍ଷରୁ ଅନୁଷ୍ଠିତ ହୋଇଆସୁଛି ।