ବଲାଙ୍ଗିର, (କେପିଏନ୍ଏସ୍) : ରାଇଫଲ୍ ଏସୋସିଏସନ୍ ଅଫ୍ ଇଣ୍ଡିଆର ସଭାପତି ଭାବେ ନିର୍ବାଚିତ ହୋଇଛନ୍ତି ବଲାଙ୍ଗିର ବିଧାୟକ କଳିକେଶ ନାରାୟଣ ସିଂହଦେଓ । ଆଜି ଦିଲ୍ଲୀରେ ବିଧାୟକ କଳିକେଶ ରାଇଫଲ୍ ଏସୋସିଏସନ୍ ଅଫ୍ ଇଣ୍ଡିଆ (ଏନ୍ଆର୍ଏଆଇ)ର ସଭାପତି ଭାବେ ନିର୍ବାଚିତ ହୋଇଛନ୍ତି । ଦୀର୍ଘଦିନ ଧରି ଦାୟିତ୍ୱରେ ଥିବା ସଭାପତି ରଣେନ୍ଦର ସିଂଙ୍କ ଇସ୍ତଫା ପରେ ଗତବର୍ଷ ଠାରୁ ଏନ୍ଆର୍ଏଆଇର ସମସ୍ତ କାର୍ଯ୍ୟ ପରିଚଳନା କରି ଆସୁଥିଲେ କଳିକେଶ । ଆଜି ବିଧିବଦ୍ଧ ଭାବେ କଳିକେଶ ରାଇଫଲ୍ ଏସୋସିଏସନ୍ ଅଫ୍ ଇଣ୍ଡିଆର ସଭାପତି ଭାବେ ନିର୍ବାଚିତ ହେବା ପରେ ଶୁଭେଚ୍ଛୁଙ୍କ ମହଲରୁ କଳିକେଶଙ୍କ ପାଖକୁ ଶୁଭେଚ୍ଛାର ସୁଅ ଛୁଟୁଥିବା ଦେଖିବାକୁ ମିଳିଛି ।