କଣ୍ଟାବାଞ୍ଜି, (ଗୁରୁଦୟାଲ ହଂସ) : ବଲାଙ୍ଗିର ଜିଲ୍ଲା କଣ୍ଟାବାଞ୍ଜି ବିଧାନସଭା ନିର୍ବାଚନ ମଣ୍ଡଳୀ ବଙ୍ଗୋମୁଣ୍ଡା ବ୍ଲକର ବିଭିନ୍ନ ଗାଁକୁ ଗୁରୁବାର ଦିନ ବିଧାୟକ ଲକ୍ଷ୍ମଣ ବାଗ ଗସ୍ତ କରି ଲୋକଙ୍କ ବିଭିନ୍ନ ସମସ୍ୟା ଉପରେ ଆଲୋଚନା କରିଛନ୍ତି । ବିଧାୟକ ଶ୍ରୀ ବାଗ ମାକ୍ରିପଡା, ଲେବେଡା ଗାଁରେ ଥିବା ବିଭିନ୍ନ ସମସ୍ୟା ଉପରେ ଗ୍ରାମବାସୀଙ୍କ ସହ ଆଲୋଚନା କରିଥିଲେ । ସେହିପରି ଲେବେଡା ଗାଁର ପାଟଣେଶ୍ୱରୀ ସରକାରୀ ଉଚ୍ଚ ମାଧ୍ୟାମିକ ସ୍କୁଲ ପରିଦର୍ଶନକୁ ଯାଇଥିଲେ । ଏହି ସମୟରେ ବିଦ୍ୟାଳୟ ତରଫରୁ ଭବ୍ୟ ସ୍ୱାଗତ କରାଯାଇଥିଲା । ବିଦ୍ୟାଳୟର ପରିଦର୍ଶନ ବେଳେ ବିଦ୍ୟାଳୟ ପରିଚାଳନା କମିଟିର ସଭାପତି, ପ୍ରଧାନ ଶିକ୍ଷକ ଓ ସରପଂଚଙ୍କ ନେତୃତ୍ୱରେ ବିଧାୟକ ଶ୍ରୀ ବାଗଙ୍କୁ ଏକ ଦାବୀପତ୍ର ପ୍ରଧାନ କରାଯାଇଥିଲା । ବିଦ୍ୟାଳୟର ବିଭିନ୍ନ ସମସ୍ୟା ମଧ୍ୟରେ ବିଦ୍ୟାଳୟ ପ୍ରତିଷ୍ଠା ଦିନଠାରୁ ଶ୍ରେଣୀ କୋଠରୀର ଅଭାବ, ଛାତରୁ ପାଣି ଗଳୁ ଥିବାରୁ ତାର ମରାମତି, ଶିକ୍ଷକ, ଶିକ୍ଷତ୍ରୀ ଅଭାବକୁ ଯଥା ଶିଘ୍ର ପୁରଣ କରିବା ପାଇଁ ଲିଖିତ ଦାବୀପତ୍ର ପ୍ରଦାନ କରାଯାଇଛି । ଶ୍ରୀ ବାଗ ମୁରିବାହାଲ ବ୍ଲକର ବିଭିନ୍ନ ଗାଁକୁ ବୁଲି ଜନ ସମ୍ପର୍କ ଯାତ୍ରାରେ ସାମିଲ ହୋଇଛନ୍ତି ।