ବଲାଙ୍ଗିର, (କେପିଏନ୍ଏସ୍) : ବଲାଙ୍ଗିର ବିଧାନସଭା ନିର୍ବାଚନ ମଣ୍ଡଳୀ ପାଇଁ ଗୋପାଳଜୀ ପାଣିଗ୍ରାହୀଙ୍କ ଉପରେ ଆସ୍ଥା ରଖି ଟିକଟ୍ ଦେଇଛି ବିଜେପି । ଭାରତୀୟ ଜନତା ପାର୍ଟି ପକ୍ଷରୁ ଗୋପାଳଜୀ ପାଣିଗ୍ରାହୀଙ୍କ ନାମ ଘୋଷଣା ହେବା ପରେ ଗୋପାଳଜୀଙ୍କ ଶୁଭେଚ୍ଛୁ ସହଯୋଗୀ ସମର୍ଥକଙ୍କ ମହଲରେ ଖୁସିର ବାତାବରଣ ଦେଖିବାକୁ ମିଳିଛି । ବଲାଙ୍ଗିର ଏକ୍ସନ କମିଟିର ଆବାହାକ ଗୋପାଳଜୀ ପାଣିଗ୍ରାହୀ ବିଧାୟକ ପ୍ରାର୍ଥୀ ଭାବେ ନବାଗତ ହୋଇଥିଲେ ମଧ୍ୟ ବିଜେପିର ଜଣେ ଟାଣୁଆ ଯୁବନେତା ଭାବରେ ବେଶ୍ ଖ୍ୟାତି ଅର୍ଜନ କରିଛନ୍ତି । ଅନ୍ୟପକ୍ଷରେ ବଲାଙ୍ଗିର ଲୋୟର୍ ସୁକ୍ତେଲ୍ ଜଳସେଚନ ପ୍ରକଳ୍ପ ସପକ୍ଷରେ ତାଙ୍କ ଆନ୍ଦୋଳନକୁ ନେଇ ସେ ବେଶ୍ ଚର୍ଚ୍ଚିତ । ବିଭିନ୍ନ ସମୟରେ ଗୋପାଳଜୀ ବଲାଙ୍ଗିରର ସାମୁହିକ ବିକାଶ ଦାବୀକୁ ନେଇ ରାଜରାସ୍ତାକୁ ଓହ୍ଲାଇ ଥିବାର ବିଶେଷ ନଜିର୍ ରହିଛି ।