ବଲାଙ୍ଗିର, (ଦେବାଶିଷ ମିଶ୍ର) : ନୂଆଁଖାଇ ଦିନ ସନ୍ଧ୍ୟା ଘ.୬ ସମୟରେ ସଦାଇପାଲି ନବଜ୍ୟୋତି କ୍ଲବ ଠାରେ ନୂଆଁଖାଇ ଭେଟଘାଟ ଉତ୍ସବ ପାଳନ କରାଯାଇଥିଲା । ଉକ୍ତ ଉତ୍ସବରେ କ୍ଲବର ସଭାପତି ବାସୁଦେବ ମୁଗ୍ରୀ ସଭାପତିତ୍ୱ କରିଥିଲେ ଓ ଅନ୍ୟାନ୍ୟ ବୈୟଜ୍ୟେଷ୍ଠ ତଥା ଅବସରପ୍ରାପ୍ତ ଜହନଲାଲ ମୁଗ୍ରୀ, ଅର୍ଜୁନ ମୁଗ୍ରୀ, ସୁନାଧର ମୁଗ୍ରୀ, କୃଷ୍ଣଚନ୍ଦ୍ର ରାୟ ସମ୍ମାନିତ ଅତିଥି ରୂପେ ମଂଚାସିନ ଥିଲେ । ଅବସରପ୍ରାପ୍ତ ପ୍ରଧାନ ଶିକ୍ଷକ କନ୍ଦର୍ପ ରାୟଙ୍କୁ ସମ୍ବର୍ଦ୍ଧନା କରାଯାଇଥିଲା । ଚଳିତ ବର୍ଷ ମେଟ୍ରିକ ପାସ କରିଥିବା ସ୍ୱେତା ନାଗ ଓ ଯୋଗେଶ୍ୱରୀ ମୁଗ୍ରୀ ଓ ଯୁକ୍ତ ଦୁଇରେ ପାସ କରିଥିବା ଆଲୋକ ରାୟଙ୍କୁ ସମ୍ମାନିତ କରାଯାଇଥିଲା । ଉକ୍ତ ଉତ୍ସବରେ ଅନେକ ପୁଅ ଝିଅମାନେ ସଂଗୀତ ଓ ନୃତ୍ୟ ପରିବେଷଣ କରିଥିଲେ । ବିଭିନ୍ନ ପ୍ରକାର କୈତୁକ କ୍ରୀଡା ମଧ୍ୟ ଅନୁଷ୍ଠିତ ହୋଇଥିଲା । ଶେଷରେ କ୍ଲବର ସଂପାଦକ ରାଜେନ୍ଦ୍ର ରାୟ ଓ ଋଷିକେଶ ମୁଗ୍ରୀ କଳାକାରମାନଙ୍କୁ ସମ୍ମାନିତ କରିଥିଲେ ଓ ଧନ୍ୟବାଦ ଅର୍ପଣ କରିଥିଲେ ।