
ରାଉରକେଲା, (ସସ୍ମିତା ପ୍ରଧାନ) : ଆଜି ଓଡିଶା ସରକାରଙ୍କର ପଞ୍ଚାୟତରାଜ, ପାନୀୟ ଜଳ ଓ ଗ୍ରାମୀଣ ବିକାଶ ମନ୍ତ୍ରୀ ରବିନାରାୟଣ ନାୟକ ରାଉରକେଲା ଭାରତୀୟ ଜନତା ପାର୍ଟି ଜିଲ୍ଲା କାର୍ଯ୍ୟାଳୟରେ ପହଞ୍ଚିବା ମାତ୍ରେ ଜିଲ୍ଲା ତରଫରୁ ଭବ୍ୟ ସ୍ଵାଗତ କରାଯାଇଥିଲା । ସେ ବିଜେପିକୁ ପ୍ରାରମ୍ଭିକ ଅବସ୍ଥାରେ ସଂଗ୍ରାମ କରି ସଂଗଠନକୁ ମଜବୁତ୍ ଓ ଶକ୍ତିଶାଳୀ କରିବାକୁ ଅକ୍ଲାନ୍ତ ପରିଶ୍ରମ କରିଥିବା ବରିଷ୍ଠ କାର୍ଯ୍ୟକର୍ତ୍ତା ଭେଟି ଧନ୍ୟବାଦ ଦେବା ସହିତ ବାର୍ତ୍ତାଳାପ କରିଥିଲେ । ସେ ତାଙ୍କ ବକ୍ତବ୍ୟରେ ଆପଣମାନେ ସଙ୍ଗଠନର ମେରୁଦଣ୍ଡ ବୋଲି କହିବା ସହିତ ଆପଣମାନଙ୍କ ଯୋଗୁ ଆଜି ଦେଶରେ ଓ ରାଜ୍ୟରେ ବିଜେପି ସରକାର ଗଠନ ହୋଇପାରିଛି ବୋଲି କହିଥିଲେ । ଆପଣଙ୍କ ପ୍ରୟାସ ଓ ତ୍ୟାଗ କେବେ ନିରର୍ଥକ ହେବ ନାହିଁ ବୋଲି ପ୍ରକାଶ କରିଥିଲେ । ଜିଲ୍ଲା ସଭାନେତ୍ରୀ ପୂର୍ଣ୍ଣିମା କେରକେଟାଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ମନ୍ତ୍ରୀ ମହୋଦୟ ନବ ନିର୍ବାଚିତ ସଭାନେତ୍ରୀ ପୂର୍ଣ୍ଣିମା କେରକେଟାଙ୍କୁ ପୁଷ୍ପଗୁଚ୍ଛ ଓ ଉତ୍ତରୀୟ ଦେଇ ସମ୍ବର୍ଦ୍ଧିତ କରିଥିଲେ । ରାଜ୍ୟ ଉପ ସଭାନେତ୍ରୀ ସୁଶ୍ରୀ ଶୁକେଶୀ ଓରାମ, ରାଜ୍ୟ ମୁଖପାତ୍ର ଧୀରେନ ସେନାପତି, ପୂର୍ବତନ ସୁନ୍ଦରଗଡ଼ ସଭାପତି ଯଶୋବନ୍ତ ନାୟକ ଉପସ୍ଥିତ ଥିଲେ । ବରିଷ୍ଠ ନେତା ଗଙ୍ଗାଧର ଦାଶ ପରିଚାଳନା କରିଥିଲେ । ଉକ୍ତ କାର୍ଯ୍ୟକ୍ରମରେ ବରିଷ୍ଠ ସଦସ୍ୟ ସୁରେନ୍ଦ୍ର ନାଥ ପାତ୍ର, ପୂର୍ଣ୍ଣଚନ୍ଦ୍ର ଦାଶ, ମଧୁସୁଦାନ ନାୟକ, ଗିରିଜା ଦ୍ୱିବେଦୀ, ଜିତେନ ମହାନ୍ତି, ରବି ମିଶ୍ର, ରମାକାନ୍ତ ପାଣ୍ଡେ, ଅକ୍ଷୟ କୁମାର ଦାଶ, ମଳୟ ମହାପାତ୍ର, ଶଶାଙ୍କ ଜେନା, ଅଶୋକ ଲେଙ୍କା, ରମେଶ ଅଗ୍ରୱାଲ, ପ୍ରେମ ଚାନ୍ଦ ପଶାୟତ, ସତ୍ୟପ୍ରିୟ ସାହୁ, ରମେଶ ସିଂ, ଅଜୟ କଂଶାରୀ, ରଙ୍ଗବାହାଦୂର୍ ବାଗ, ମନୋରଞ୍ଜନ ମୁନି, ଜଗବନ୍ଧୁ ସାହୁ, ରାଜେଶ ପ୍ରସାଦ, ଆଲୋକ ନାୟକ, ରାମ ବର୍ମା, ୟୁ ପି ସିଂ, ବୁଦ୍ଧି ରାମ ସ୍ୱାଇଁ, ନରେଶ ଜେନା, ସରୋଜ ଦାସ, ସୁଦ୍ଧାକାନ୍ତ ଦାସ, ଅମୂଲ୍ୟ କୁମାର ସେଠୀ, ଯୋଗେନ୍ଦ୍ର ବେଉରିଆ, ରାଜକୁମାର ସାହା, ଦୂର୍ଗା ସାହୁ, ପ୍ରମିଳା ଦାସ, ପ୍ରମିଳା ସୁନା, ରିତା ସିଂ, ଦିଲ୍ଲୀପ ପଟ୍ଟନାୟକ, ହଳପାନୀ ମାଝୀ, ଦିଲ୍ଲୀପ କୁମାର ପଟେଲ, ଲକ୍ଷ୍ମୀ ନାରାୟଣ ସାହୁ, ଶଙ୍କର ପୂଝାରୀ, ଅଭିଷେକ ସିଂ, ଜଗଦୀଶ ସତପଥୀ, ଲଖନ୍ ଲୋହାର୍, ପ୍ରଣତାପ ଦାସ, ଆଶ୍ୱିନ କୁମାର ପଣ୍ଡା, ମନୋଜ ପଟ୍ଟନାୟକ, ସଞ୍ଜୟ ଗୌଡ଼, ପ୍ରଭାକର ସାହୁ, ସୁଶାନ୍ତ ମହାପାତ୍ର, ଶ୍ରୀକାନ୍ତ ପାଢ଼ୀ, ସୁବାସ ଚନ୍ଦ୍ର ମହାନ୍ତ, ବିଷ୍ଣୁ ରାମ ପ୍ରମୁଖ ଉପସ୍ଥିତ ଥିଲେ ।