ସୁନ୍ଦରଗଡ : ସୁନ୍ଦରଗଡ଼ ଜିଲ୍ଲା ବଣାଇ ରେଞ୍ଜର ଜକେଇକଳା ଗ୍ରାମରେ ଦୁଇଟି ଦନ୍ତା ହାତୀ ଦୁଇ ଦିନ ତଳେ ଖାଦ୍ୟ ଅନ୍ୱେଷଣରେ ଘର ଭାଙ୍ଗିବା ଘଟଣାରେ ରାସ୍ତାରୋକ । ପରିବାର ଲୋକେ ଓ ଗ୍ରାମବାସୀ କ୍ଷତିପୂରଣ ଦାବିରେ ଦୁଇ ଜଣ ରେଞ୍ଜର ଓ ଫରେଷ୍ଟରଙ୍କୁ ଅଟକ ରଖି ରାସ୍ତାରୋକ କରିଥିବା ବେଳେ ଆଜି ପୁଣି ଏହି ଗ୍ରାମର ରଙ୍ଗାମାଟିଆ ସାହିରେ ରାତିରେ ଘର ଭାଙ୍ଗିବାରୁ ପୁଣି ରାସ୍ତାରୋକ କରିବା ସହ ଏସିଏଫ, ରେଞ୍ଜର, ଫରେଷ୍ଟରଙ୍କୁ ଅଟକ ରଖିଛନ୍ତି । ଆମ୍ବୁଲାନ୍ସ ଓ ସ୍କୁଲ ଭ୍ୟାନ୍ ଭଳି ଜରୁରୀକାଳୀନ ଗାଡ଼ିକୁ ଛାଡ଼ି ଅନ୍ୟ ଗାଡ଼ିକୁ ଛାଡୁନଥିବା ଦେଖିବାକୁ ମିଳିଛି । ହାତୀ ଦୀର୍ଘଦିନ ହେବ ଅନେକ ଘର ଭାଙ୍ଗିବା ସହ ଚାଷ ନଷ୍ଟ କରୁଥିବା ବେଳେ ହାତୀ ଦୁଇଟିକୁ ସ୍ଥାନାନ୍ତରିତ ପାଇଁ ବନ ବିଭାଗ କୌଣସି ଉଚିତ ପଦକ୍ଷେପ ନେଉନଥିବାରୁ ଏମିତି ଘଟଣାର ପୁନରାବୃତ୍ତି ହେଉଥିବା ଗ୍ରାମବାସୀ କହିଛନ୍ତି । ବନ ବିଭାଗ ଯଥାଶୀଘ୍ର ସ୍ଥାୟୀ ପ୍ରତିକାର ନକରିବା ପର୍ଯ୍ୟନ୍ତ ଏମିତି ରାସ୍ତା ଅବରୋଧ ରହିବ ବୋଲି ଗ୍ରାମବାସୀ ସୂଚନା ଦେଇଛନ୍ତି ।