ବଲାଙ୍ଗିର, (କେପିଏନ୍ଏସ୍) : ସରଗଡା ଗଣେଶ ପୂଜା କମିଟି ପକ୍ଷରୁ ଗତରାତି ତଥା ତା. ୩୦ ଅଗଷ୍ଟ ୨୦୨୫ ରିଖ ଦିନ ଆୟୋଜିତ ପାରମ୍ପରିକ ରାମଲୀଳା ନାଟରେ “ସୀତାଚୋରି” ପର୍ବ ମଞ୍ଚସ୍ଥ ହୋଇଥିଲା । ସୀତାଙ୍କୁ ରାବଣଙ୍କ ହରଣ ଘଟଣାକୁ ଆଧାର କରିଥିବା ଏହି ପର୍ବକୁ ଦେଖିବା ପାଇଁ ସରଗଡା ସହିତ ପାଶ୍ୱର୍ବତୀ ଅଞ୍ଚଳରୁ ଅନେକ ସଂଖ୍ୟାରେ ଭକ୍ତଦର୍ଶକ ଭିଡ ଲାଗିଥିଲା । ନାଟରେ ଶ୍ରୀରାମ ଭୂମିକାରେ ରାମଦାସ ସାହୁ, ସୀତା ଭୂମିକାରେ ପିଣ୍ଟୁ ସାହୁ, ଲକ୍ଷ୍ମଣ ଭୂମିକାରେ ପ୍ରଫୁଲ୍ଲ ସାହୁ ଓ ରାବଣ ଭୂମିକାରେ ସୁରେଶପାଲ ପଧାନଙ୍କ ଅଭିନୟ ଦର୍ଶକମାନଙ୍କୁ ମନୋନିବେଶ କରାଇଥିଲା । ସଙ୍ଗୀତ, ଗୀତ ଓ ପାରମ୍ପରିକ ଭଜନରେ ସଜିଥିବା ମଞ୍ଚରେ ପ୍ରତିଟି ଦୃଶ୍ୟକୁ ଦର୍ଶକମାନେ ତାଳି ଓ ହୁଁଙ୍କାର ସହ ସ୍ୱୀକାର କରିଥିଲେ । ଆବାଳବୃଦ୍ଧ ବନିତା ଏହି ନାଟକୁ ମୂଳରୁ ଶେଷ ପର୍ଯ୍ୟନ୍ତ ଉପଭୋଗ କରିଥିଲେ । କାର୍ଯ୍ୟକ୍ରମର ଶେଷରେ ଗାଁର ବିଶିଷ୍ଟ ନାଟ୍ୟଗୁରୁ ନବୀନ କୁମାର ହୋତା ଧନ୍ୟବାଦ ଜ୍ଞାପନ କରି, ସମସ୍ତଙ୍କୁ ପରବର୍ତ୍ତୀ ପର୍ବରେ ଯୋଗଦେବାକୁ ଆହ୍ୱାନ କରିଥିଲେ ।