ରାଉରକେଲା, (ସସ୍ମିତା ପ୍ରଧାନ) : ସହରର ସ୍ୱଚ୍ଛତା ଓ ପରିବେଶ ସୁରକ୍ଷା କ୍ଷେତ୍ରରେ କାର୍ଯ୍ୟ କରୁଥିବା ଅନୁଷ୍ଠାନ କ୍ଲିନ୍ ଆଣ୍ଡ ଗ୍ରୀନ୍ ତରଫରୁ ଏକ ଭାବ ବିନିମୟ କାର୍ଯ୍ୟକ୍ରମ ଇସ୍ପାତ ସରୋବରଠାରେ ଅନୁଷ୍ଠିତ ହୋଇଯାଇଛି । ଅନୁଷ୍ଠାନର ସାଧାରଣ ସମ୍ପାଦକ ପ୍ରଦୀପ କୁମାର ଦାସଙ୍କ ଆବାହକତ୍ଵ ଓ ବରିଷ୍ଠ ସଦସ୍ୟ ହିମାଂଶୁ ମହାପାତ୍ରଙ୍କ ସଂଯୋଜନାରେ ଆୟୋଜିତ ଏହି କାର୍ଯ୍ୟକ୍ରମରେ ଅନୁଷ୍ଠାନର ସଦସ୍ୟମାନେ ଅଂଶ ଗ୍ରହଣ କରି ନବବର୍ଷର ଶୁଭେଚ୍ଛା ପ୍ରଦାନ କରିବା ସହ ଆଗାମୀ ଦିନରେ ସଂଗଠନକୁ ସୁଦୃଢ କରି ସହରର ସ୍ୱଚ୍ଛତା ଅଭିଯାନ କୁ ତ୍ୱରାନ୍ୱିତ କରିବା ପାଇଁ ପ୍ରତିଜ୍ଞାବଦ୍ଧ ହୋଇଥିଲେ । ସ୍ୱତନ୍ତ୍ର ଅତିଥି ଭାବେ ଅଧ୍ୟାପକ କରୁଣାକର ପାଟ୍ଟଶାଣୀ ଯୋଗ ଦେଇଥିଲେ । ପୂର୍ବରୁ ଅନୁଷ୍ଠାନ ତରଫରୁ ଏକ ବନ୍ଧୁ ମିଳନର କାର୍ଯ୍ୟକ୍ରମ ସେକ୍ଟର ୯ ଲୁଗୁନ ପାର୍କଠାରେ ଅନୁଷ୍ଠିତ ହୋଇଯାଇଅଛି । ଏଥିରେ ସାଧାରଣ ଜ୍ଞାନ, ମ୍ୟୁଜିକ ଚେୟାର ଓ ଅନ୍ୟାନ୍ୟ କ୍ରୀଡା ଆୟୋଜନ କରି ଏଥିରେ ସଫଳତା ପାଇଥିବା ସଦସ୍ୟମାନଙ୍କୁ ପୁରସ୍କୃତ କରାଯାଇଥିଲା । ଏହି କାର୍ଯ୍ୟକ୍ରମରେ ପି. ସିଂ ମିଶ୍ର, କେ. ବି. ମିଶ୍ର, ବିଭୁତି ଭୁଷଣ ବିଶ୍ୱାଳ, ପ୍ରଦୀପ କୁମାର ପଟ୍ଟନାୟକ, ପ୍ରଦୀପ ରଥ, ପ୍ରଦୀପ ସ୍ୱାଇଁ, ଜ୍ଞାନଜିତ ଦାସ, ସାଗର ପାଣି, ମନୋଜ କୁମାର ନାୟକ, ଅଶୋକ ପଟେଲ, ରମେଶ ସାହୁ, ଶ୍ରୀକାନ୍ତ ପଲେଇ, ଚନ୍ଦ୍ରକାନ୍ତ ନାୟକ, ଅମିତ ରାୟ, ବାବୁଶାନ୍, ଅକ୍ଷୟ ଜେନା, ଜିତୁ ପଟ୍ଟନାୟକ, ଅଶୋକ ପଟ୍ଟନାୟକ, ଜ୍ୟୋସ୍ନା ନାୟକ, ବାବୁ ନାୟକ, ବିନୋଦ ରାଉତ, ମୀନତି ମାମ, ଡି. ପି. ଦାସ ପ୍ରମୁଖ ଉପସ୍ଥିତ ରହି କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ ।