କୁଢାରିଫସା ଉଚ୍ଚ ପ୍ରାଥମିକ ବିଦ୍ୟାଳୟରେ ବାର୍ଷିକୋତ୍ସବ

ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ଉପଖଣ୍ଡ ପାଇକମାଲ ବ୍ଲକ କୁଢାରିଫସା ଉଚ୍ଚ ପ୍ରାଥମିକ ବିଦ୍ୟାଳୟରେ ପ୍ରଧାନ ଶିକ୍ଷକ ସନ୍ଧ୍ୟାକାନ୍ତ ଧରୁଆଙ୍କ ସଭାପତିତ୍ୱରେ ବାର୍ଷିକ ଉତ୍ସବ ଅନୁଷ୍ଠିତ ହୋଇଯାଇଛି । ମୁଖ୍ୟ ଅତିଥି ଭାବରେ ପାଇକମାଲ ଏବିଇଓ ରାଧେଶ୍ୟାମ ମେହେର, ମୁଖ୍ୟବକ୍ତା ଭାବେ ଅବସରପ୍ରାପ୍ତ ଶିକ୍ଷକ ଡୋଳାମଣୀ ମାହାର ଓ ସମ୍ମାନିତ ଅତିଥି ଭାବରେ ମିଠାପାଲି ସିଆର୍‌ସିସି କେଦାରନାଥ ରାଉତ, ସ୍କୁଲ ଚେୟାରମେନ ଦଶମତୀ ଭୁଏ ଓ ଚେରେଙ୍ଗାଝାଞ୍ଜ ସିଆର୍‌ସିସି ଉଗ୍ରସେନ ପ୍ରଧାନ ଯୋଗ ଦେଇଥିଲେ । ଏହି ଅବସରରେ ବିଭିନ୍ନ ପ୍ରତିଯୋଗିତାର କୃତି ପ୍ରତିଯୋଗୀ ମାନଙ୍କୁ ଅତିଥିଙ୍କ ଦ୍ୱାରା ପୁରସ୍କୃତ କରାଯାଇଥିଲା । ଏହି କାର୍ଯ୍ୟକ୍ରମକୁ ଶିକ୍ଷୟିତ୍ରୀ କ୍ଷୀରୋଦୀନି ମାଝୀ, ହେମସାଗର ଭୋଇ, ସ୍କୁଲ ପରିଚାଳନା କମିଟି ସଭ୍ୟ ତଥା ଗ୍ରାମବାସୀ ସହଯୋଗ କରିଥିବା ବେଳେ ଶିକ୍ଷକ ଭକ୍ତ ପ୍ରହ୍ଲାଦ ବେହେରା ଧନ୍ୟବାଦ ଦେଇଥିଲେ ।