ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ଉପଖଣ୍ଡ ପାଇକମାଲ ବ୍ଲକ ଭୁବନେଶ୍ୱରପୁର ଗ୍ରାମରେ ଥିବା ଭୁବନେଶ୍ୱରପୁର ସେବାଶ୍ରମ ବିଦ୍ୟାଳୟରେ ଦୀର୍ଘ ଦୁଇଦିନ ଧରି ବାର୍ଷିକ କ୍ରୀଡା ଅନୁଷ୍ଠିତ ହୋଇଥିଲା । ୭୬ତମ ଗଣତନ୍ତ୍ର ଦିବସ ଉପଲକ୍ଷେ ବାର୍ଷିକ ଉସବ ଆଡମ୍ବର ସହ ଏବଂ ବାର୍ଷିକ କ୍ରୀଡାର ପୁରସ୍କାର ବିତରଣ ପର୍ବ ପାଳନ ଅନୁଷ୍ଠିତ ହୋଇଯାଇଛି । ଉକ୍ତ ସଭାରେ ସେବାଶ୍ରମ ବିଦ୍ୟାଳୟର ପ୍ରଧାନ ଶିକ୍ଷକ ଚିତ୍ତରଞ୍ଜନ ମହାନ୍ତି ସଭାପତିତ୍ଵ କରିଥିଲେ । ରାଜୀବ ଲୋଚନ ସାହୁ ସ୍ୱାଗତ ଭାଷଣ ଏବଂ ଅତିଥି ପରିଚୟ ଦେଇଥିଲେ । ସଭାରେ ମୁଖ୍ୟ ଅତିଥି ଭାବେ ଭୁବନେଶ୍ୱରପୁର ଗ୍ରାମ ପଞ୍ଚାୟତ ସମିତି ସଭ୍ୟ ପଙ୍କଜ ସାହୁ, ସମ୍ମାନିତ ଅତିଥି ଦେବାଶିଷ ସାହୁ, ପୁରୁଷୋତ୍ତମ ନାଏକ, ବିକାଶ ସାହୁ, ସିଏମ୍ସି ଚେୟାରପର୍ସନ ସୁରେଶ ମେହେର, ସିଏମ୍ସି ସଭ୍ୟ ମିନିକେତନ ହାତୀ, ଗଜିନ ବାରିକ, ଅଭିଭାବକ ଓ ଗ୍ରାମର ଗ୍ରାମବାସୀ ଉପସ୍ଥିତ ଥିଲେ । ଛାତ୍ରଛାତ୍ରୀ ମାନଙ୍କ ଦ୍ଵାରା ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା । ଶେଷରେ ସଭାର ସଭାପତି ପଧାନ ଶିକ୍ଷକ ଧନ୍ୟବାଦ ଦେଇ ସଭାକୁ ସାଫଲ୍ୟ ମଣ୍ଡିତ କରିଥିଲେ ।