ବଲାଙ୍ଗିର, (ଦେବାଶିଷ ମିଶ୍ର) : ପୁଇଁତଲା ବ୍ଲକ ଅନ୍ତର୍ଗତ ସୁରଜମଲ ଉଚ୍ଚ ବିଦ୍ୟାଳୟର ବାର୍ଷିକ କ୍ରୀଡା ଉଦ୍ଯାପିତ ହୋଇଯାଇଛି । ବିଦ୍ୟାଳୟର ପ୍ରଧାନ ଶିକ୍ଷକ ବିନୋଦ ସୁନାଙ୍କ ସଭାପତିତ୍ୱରେ ଅନୁଷ୍ଠିତ ଉତ୍ସବରେ ଅବସରପ୍ରାପ୍ତ ଶିକ୍ଷକ ପୁରୁଷୋତ୍ତମ ନାଗ ଓ ପ୍ରଦୀପ ପ୍ରଧାନ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ । ବିଦ୍ୟାଳୟର ଶାରିରୀକ ଶିକ୍ଷା ଶିକ୍ଷକ ସୁଶାନ୍ତ କୁମାର ନାଗଙ୍କ ପ୍ରତ୍ୟକ୍ଷ ତତ୍ୱାବଧାନରେ ବିଭିନ୍ନ ପ୍ରତିଯୋଗିତା କରାଯାଇଥିଲା । ଅଭିନିତା ପଟ୍ଟନାୟକ, ମୋନିକା ପ୍ରଧାନ, ପ୍ରତିଭା ପାଣିଗ୍ରାହୀ, ଆଶୁତୋଷ ପ୍ରଧାନ, ଡିଲେଶ୍ୱର ନନ୍ଦ, ପ୍ରଦୀପ୍ତ ଦାଶ, ସୁଶ୍ରିତାରାଣୀ ପୁରୋହିତ, ପ୍ରିୟମ୍ବଦା ହରିପାଲ, ଶ୍ରୀଲେଖା ବେହୁରା, ହରିବନ୍ଧୁ ନାଏକ, ସୁନନ୍ଦା ସଲତର, ବେକୁ ସାହୁ, କିଶୋର ବରାଡ, ସନତ ଭୋଇ ଓ ଅବସରପ୍ରାପ୍ତ କ୍ରୀଡା ଶିକ୍ଷକ ଜୋହନ ଦୀପ ସହଯୋଗ କରିଥିଲେ । ବିଦ୍ୟାଳୟର ବିଜ୍ଞାନ ଶିକ୍ଷକ ମହେଶ ମିଶ୍ର ସଭା ପରିଚାଳନା କରିଥିଲେ । କୃତି ପ୍ରତିଯୋଗୀମାନଙ୍କୁ ବାର୍ଷିକ ଉତ୍ସବରେ ପୁରସ୍କୃତ କରାଯିବାକୁ ସ୍ଥିର କରାଯାଇଛି ।