ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ଉପଖଣ୍ଡ ଗାଇସିଲେଟ ବ୍ଲକ ଅନ୍ତର୍ଗତ କଲଙ୍ଗାପାଲି ଗ୍ରାମରେ ସମ୍ପତ୍ତି ଭଏନା ନାମକ ଜଣେ ବ୍ୟକ୍ତି ଗତ ରାତ୍ରିରେ ହାତୀ ଆକ୍ରମଣରେ ଆହତ ହୋଇ ଗାଇସିଲେଟ ଡାକ୍ତରଖାନାରେ ଚିକିତ୍ସିତ ହେଉଛନ୍ତି ବୋଲି ଜଣାପଡିଛି । ସୂଚନା ଅନୁସାରେ ଗତକାଲି ରାତ୍ରିରେ ପ୍ରାୟ ୧୨ଟା ସମୟରେ କେତୋଟି ହାତୀ ତାଙ୍କ ଘରକୁ ଆସି ଅତର୍କିତ ଭାବରେ ଘରକୁ ଭାଙ୍ଗି ଦେଉଥିଲେ । ସମ୍ପତ୍ତି ଭଏନା ରାତ୍ରିରେ ଶଦ୍ଦ ହେବାରୁ ଉଠି ପଡିଥିଲେ ଏବଂ ଚିତ୍କାର କରିବାରୁ ହାତୀ ତାଙ୍କୁ ଆକ୍ରମଣ କରି ଶୁଣ୍ଢରେ ଧରି ଫିଙ୍ଗି ଦେଇଥିଲା । ଫଳରେ ସଂପୃକ୍ତ ବ୍ୟକ୍ତି ପ୍ରାଣ ଭୟରେ ଅନ୍ୟ ଘରକୁ ପଲାଇ ଯାଇଥିଲେ । ହାତୀ ପଲ ତତ୍କ୍ଷଣାତ ଚାଲି ଯାଇଥିଲେ । ଖବରଟି ବନ ବିଭାଗକୁ ଜଣାଇ ଦିଆଯାଇଛି ବୋଲି ଜଣାପଡିଛି । ତାଙ୍କ କହିବା ଅନୁସାରେ ୧୬/୧୭ ଗୋଟି ହାତୀ ଥିଲେ । ବନ ବିଭାଗ ହାତୀ ଘଉଡାଇବା ପାଇଁ ଏ ଅଞ୍ଚଳରେ ଦାବୀ ହେଉଛି ।