ବ୍ରହ୍ମପୁର, (କେ. ସତ୍ୟନାରାୟଣ ରେଡ୍ଡୀ) : ଶନିବାର ଦିବା ୧୧ଟା ସମୟରେ ବିଶ୍ୱର ସର୍ବୋଚ୍ଚ ଲୋକପ୍ରିୟ ନେତା ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦୀଙ୍କ ଜନ୍ମ ଦିବସ ଉପଲକ୍ଷେ ଭାରତୀୟ ଜନତା ପାର୍ଟି ପକ୍ଷରୁ ସେପ୍ଟେମ୍ବର ୧୭ ତାରିଖ ଠାରୁ ଅକ୍ଟୋବର ୨ ତାରିଖ ପର୍ଯ୍ୟନ୍ତ ୧୫ ଦିନ ଧରି ସେବା ପକ୍ଷ ଅନୁଷ୍ଠିତ ହେଉଛି । ଏହି ପରିପ୍ରେକ୍ଷୀରେ ଛତ୍ରପୁର ନିର୍ବାଚନୀ ମଣ୍ଡଳୀର ରମ୍ଭା ମେଡିକାଲ ଠାରେ ରୋଗୀଙ୍କୁ ଫଳ ବଣ୍ଟନ କରାଯାଇଥିଲା । ଏପରିକି ରମ୍ଭା ଏନ୍ଏସିରେ ସ୍ଵଚ୍ଛ ଭାରତ କାର୍ଯ୍ୟକ୍ରମ ଯୋଜନାରେ ଚିଲିକା କୂଳରେ ସଫେଇ କାର୍ଯ୍ୟକ୍ରମ ହୋଇଥିଲା । ଉକ୍ତ କାର୍ଯ୍ୟକ୍ରମ ଗଞ୍ଜାମ ଜିଲ୍ଲା ଏସ୍ସି ମୋର୍ଚ୍ଚା ସଭାପତି କୀର୍ତ୍ତନ ଦାସଙ୍କ ନେତୃତ୍ୱରେ ସେବାକାର୍ଯ୍ୟ ହୋଇଥିଲା । ଉକ୍ତ କାର୍ଯ୍ୟକ୍ରମରେ ଛତ୍ରପୁର ନିର୍ବାଚନ ମଣ୍ଡଳୀର ବିଧାୟକ କୃଷ୍ଣଚନ୍ଦ୍ର ନାୟକ ଓ ରମ୍ଭା ଏନ୍. ଐ. ସିର ଅଧ୍ୟକ୍ଷା ମାନସୀ ସ୍ୱାଇଁ ଓ ଉପାଧ୍ୟକ୍ଷ କାଳିଆ ତରାଇ, ଗଞ୍ଜାମ ଜିଲ୍ଲା ଭାରତୀୟ ଜନତା ପାର୍ଟିର ଉପସଭାପତି ଶ୍ରୀମତୀ ରଶ୍ମିରାଣୀ ମହାପାତ୍ରଙ୍କ ଉପସ୍ଥିତିରେ ଗରିବ, ରୋଗୀମାନଙ୍କୁ ସ୍ୱାଦିଷ୍ଟ ଫଳ ବଣ୍ଟନ କରାଯାଇଥିଲା । ଉକ୍ତ କାର୍ଯ୍ୟକ୍ରମରେ ଗଞ୍ଜାମ ବ୍ଲକ ପୂର୍ବତନ ଚେୟାରମେନ ରଘୁନାଥ ସାହୁ, ଗଞ୍ଜାମ ବ୍ଲକ ବିଧାୟକ ପ୍ରତିନିଧି ମାନସ ନାହାକ, ରମ୍ଭା ମଣ୍ଡଳ ସଭାପତି ସିମାଞ୍ଚଳ ବାଡତ୍ୟା, ପୂର୍ବତନ ସରପଂଚ ଜନାର୍ଦ୍ଦନ ଦୋରା, ପୂର୍ବତନ ସମିତି ସଭ୍ୟ ନିରଞ୍ଜନ ନାହାକ, ବି.ଜେ.ପି ନେତା ଜବାହରଲାଲ ନାହାକ ଓ ସୁରେନ୍ଦ୍ର ନାଥ ସାହୁ, ବି. ଜେ. ପି ନେତା କାହ୍ନା ସ୍ୱାଇଁ ଓ ଡି. ଦୁର୍ଯ୍ୟୋଧନ ରେଡ୍ଡୀ, ବନଜ ମହାପାତ୍ର, ମତ୍ସ୍ୟଜୀବୀ ନେତା ଭିମସେନ ବେହେରା, ବି.ଜେ.ପି ନେତା ବୈରାଗୀ ଚରଣ ତରାଇ, ପ୍ରଶ୍ନ କୁମାର ନାହାକ, ବିଳାସ ନାହାକ, କିର୍ତ୍ତନ ପରିଡ଼ା, ନାଗେସୁ, ମହେଶ୍ୱର ଦାସ, ଗଜେନ୍ଦ୍ର ଦାସ, କେଦାରନାଥ ବାରିକ, ରମାକାନ୍ତ ନାହାକ ଯୋଗ ଦେଇଥିବା ସ୍ଥଳେ ଭାରତୀୟ ଜନତା ପାର୍ଟିର ବହୁ କର୍ମୀ ସେବାକାର୍ଯ୍ୟରେ ଯୋଗ ଦେଇଥିଲେ ।