ବଲାଙ୍ଗିର, (କେପିଏନ୍ଏସ୍) : ବଲାଙ୍ଗିର ସହରାଞ୍ଚଳ ପଣ୍ଡରା ସମାଜର ବାର୍ଷିକ ଅଧିବେଶନ ଖୁଜେନପାଲି ସ୍ଥିତ ଶୈଳପୀଠରେ ଅନୁଷ୍ଠିତ ହୋଇଯାଇଛି । ଉକ୍ତ ଅଧିବେଶନରେ ପୂର୍ବାହ୍ନରେ ରସରାଜ ସା’ଙ୍କ ସଭାପତିତ୍ୱରେ ଅନୁଷ୍ଠିତ ସଭାରେ ମୁଖ୍ୟ ଅତିଥି ଭାବରେ ବିଦ୍ୟାଧର ଦଣ୍ଡସେନା ଉପସ୍ଥିତ ଥିଲେ । ଉପସଭାପତି ବଂଶୀଧର ସା ଏବଂ ସଂପାଦକ ବିନୋଦ ବିହାରୀ ଭୋଇ ମଞ୍ଚାସୀନ ଥିଲେ । ଉକ୍ତ କାର୍ଯ୍ୟକ୍ରମକୁ ଦ୍ୱିତୀୟା ଦେହୁରୀ ସଂଯୋଜନା କରିଥିଲେ । ସଭା ପ୍ରାରମ୍ଭରେ ସମାଜର ଦିବଂଗତ ମାନଙ୍କ ଆତ୍ମାର ସଦଗତି ପାଇଁ ୨ ମିନିଟ ପ୍ରାର୍ଥନା କରାଯାଇଥିଲା । ଏହି ଅବସରରେ କୃତି ଛାତ୍ରଛାତ୍ରୀ ଏବଂ ବିଭିନ୍ନ ପ୍ରତିଯୋଗିତାର କୃତି ପ୍ରତିଯୋଗୀମାନଙ୍କୁ ମୁଖ୍ୟ ଅତିଥି ପ୍ରମାଣ ପତ୍ର ସହ ପୁରସ୍କାର ପ୍ରଦାନ କରିଥିଲେ । ସମାଜର ଉନ୍ନତି ପାଇଁ ଏକ ରାଜ୍ୟ ସ୍ତରୀୟ ସମ୍ମିଳନୀ ଆସନ୍ତା ଫେବୃୟାରୀ ମାସରେ ଆୟୋଜନ କରିବା ପାଇଁ ସ୍ଥିର ହେଲା । ଏହି ଅବସରରେ ସଂଗଠନର ସଭାପତି ଚମରା ଚୌହାନ, ସଂପାଦକ ମାନଭଞ୍ଜନ ସା ଓ ଅନ୍ୟ ସଦସ୍ୟ ମାନେ ଉପସ୍ଥିତ ଥିଲେ । ପରିଶେଷରେ ଦ୍ୱୀତିୟା ଦେହୁରୀ ଧନ୍ୟବାଦ ଅର୍ପଣ କରିଥିଲେ ।