ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ରାଜବୋଡାସମ୍ବର ହାଇସ୍କୁଲ ୧୯୮୯ ମ୍ୟାଟ୍ରିକ ବ୍ୟାଚ୍ର ବନ୍ଧୁମିଳନ ସ୍ଥାନୀୟ ଦେବଦର୍ହା ଠାରେ ଆୟୋଜିତ ହୋଇଯାଇଥିଲା । ପ୍ରଥମେ ଗ୍ରୁପର ତୋଷବନ୍ତ ବାରିକଙ୍କ ଜନ୍ମଦିନ ହର୍ଷୋଲ୍ଲାସର ସହିତ ପାଳନ କରାଯାଇଥିଲା । ପରେ ମୃତ୍ୟୁ ବରଣ କରିଥିବା ବନ୍ଧୁ ରାଜେଶ ବାରିକ, ନିତ୍ୟାନନ୍ଦ ସାହୁ, ଲକ୍ଷ୍ମୀଧର ସାହୁ, ମୋହନ ବାଗ, ରିକୁ(ପ୍ରଦୀପ) ପାଇକ, ହେମନ୍ତ ସାହୁ, ନନ୍ଦ କିଶୋର ମିଶ୍ରଙ୍କ ସ୍ମୃତି ଚାରଣ କରି ୨ ମିନିଟ ନିରବ ପ୍ରାର୍ଥନା କରାଯାଇଥିଲା । ବ୍ୟାଚ୍ର ସର୍ବସମ୍ମତି କ୍ରମେ ଦେବଦର୍ହାର ଆନୁସଙ୍ଗିକ ଉନ୍ନତି କରଣ ସକାଶେ ବିଶେଷ ଭାବେ ରାସ୍ତା ନିର୍ମାଣ ପାଇଁ ବରଗଡ ସାଂସଦ ପ୍ରଦୀପ ପୁରୋହିତଙ୍କୁ ୨ଦିନ ଭିତରେ ଦାବିପତ୍ର ଦିଆଯିବାକୁ ପ୍ରସ୍ତାବ ଦିଆଯାଇଥିଲାଂ । ପଦ୍ମପୁରର ସମସ୍ତ ବନ୍ଧୁଙ୍କ ସହିତ ରାଜ୍ୟ ଓ ରାଜ୍ୟ ବାହାରେ ଥିବା ସମସ୍ତ ବନ୍ଧୁ ଉପସ୍ଥିତ ଥିଲେ । କାର୍ଯ୍ୟକ୍ରମର ସଂଯୋଜକ ପ୍ରତାପ ନାଥ, ଦିନେଶ ପାଣିଗ୍ରାହୀ, ଗୋବିନ୍ଦ ପଟେଲ, ସହଦେବ ମେହେର, ସୁରେଶ ମିଶ୍ର, ବିହାରୀ ପଟେଲ, ଅନନ୍ତ ପ୍ରସାଦ ଦାଶ, ନରସିଂହ ସରାଫ, ନିରୋଜ ଦାଶ, ସୁବ୍ରତ ମହାପାତ୍ର ଓ ସମସ୍ତ ବନ୍ଧୁଙ୍କ ସହାୟତାରେ କାର୍ଯ୍ୟକ୍ରମର ସଫଳ ରୁପାୟନ ହୋଇଥିଲା ।