ହିତାଧିକାରୀଙ୍କୁ ୩୦୦ କୋଟି ଟଙ୍କାରୁ ଅଧିକ ମାର୍ଜିନ୍ ମନି ସବସିଡ୍ ବଣ୍ଟନ କରିଛନ୍ତି ଖଦି ଓ ଗ୍ରାମୋଦ୍ୟୋଗ ଆୟୋଗ
- ପ୍ରଧାନମନ୍ତ୍ରୀ ରୋଜଗାର ସୃଜନ କାର୍ଯ୍ୟକ୍ରମ ଅଧୀନରେ ଦେଶର ୧୧: ୪୮୦ ହିତାଧିକାରୀଙ୍କୁ ବଣ୍ଟନ
ନୂଆଦିଲ୍ଲୀ, (ପିଆଇବି) : ଖଦି ଓ ଗ୍ରାମୋଦ୍ୟୋଗ ଆୟୋଗ (କେଭିଆଇସି) ୧୭ ଜୁନ୍ ୨୦୨୫ରେ ଆଭାସି ମାଧ୍ୟମରେ ପ୍ରଧାନମନ୍ତ୍ରୀ ରୋଜଗାର ସୃଜନ କାର୍ଯ୍ୟକ୍ରମ ମ (ପିଏମଇଜିପି) ଅଧୀନରେ ଦେଶବ୍ୟାପୀ ୯୦୬ କୋଟି ଟଙ୍କାର ଋଣ ମଞ୍ଜୁରୀ ବିପକ୍ଷରେ ୧୧,୪୮୦ ସେବା କ୍ଷେତ୍ର ହିତାକାରୀମାନଙ୍କୁ ୩୦୦ କୋଟି ଟଙ୍କାର ମାର୍ଜିନ୍ ମନି ସବସିଡି ପ୍ରଦାନ କରିଛନ୍ତି । ଏହି କାର୍ଯ୍ୟକ୍ରମ ନୂଆଦିଲ୍ଲୀର ରାଜଘାଟ କାର୍ଯ୍ୟଳୟରେ ଅନୁଷ୍ଠିତ ହୋଇଥିଲା, ଯେଉଁଠାରୁ ଖଦି ଓ ଗ୍ରାମୋଦ୍ୟୋଗ ଆୟୋଗ (କେଭିଆଇସି) ର ଅଧ୍ୟକ୍ଷ ମନୋଜ କୁମାର ହିତାଧିକାରୀଙ୍କ ବ୍ୟାଙ୍କ ଆକାଉଣ୍ଟକୁ ଏହି ସବସିଡି ପ୍ରଦାନ କରିଛନ୍ତି । ଏହି ଅବସରରେ ଖଦି ଓ ଗ୍ରାମୋଦ୍ୟୋଗ ଆୟୋଗର ମୁଖ୍ୟ କାର୍ଯ୍ୟକାରୀ ଅଧିକାରୀ ରୂପ ରାଶିଙ୍କ ସହିତ କେନ୍ଦ୍ରୀୟ କାର୍ଯ୍ୟାଳୟର ଅନ୍ୟାନ୍ୟ ବରିଷ୍ଠ ଅଧିକାରୀମାନେ ଉପସ୍ଥିତ ଥିଲେ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ ‘ଆତ୍ମନିର୍ଭରଶୀଳ ଏବଂ ବିକଶିତ ଭାରତ’ର ଦୃଷ୍ଟିକୋଣକୁ ସ୍ବୀକୃତି ଦିଆଯାଉଛି ଏବଂ ପିଏମଇଜିପି ଏହାର ମଜଭୁତ ସ୍ତମ୍ଭ ପାଲଟିଛି । ସେ ପୁନଶ୍ଚ କହିଥିଲେ ଯେ ଏହି ଯୋଜନା କେବଳ ଆର୍ଥିକ ସହାୟତା ପ୍ରଦାନ କରିବାରେ ସୀମିତ ନୁହେଁ, ବରଂ ଏହା ଏକ ସାମାଜିକ ଆନ୍ଦୋଳନରେ ପରିଣତ ହୋଇଛି ଯାହା ଲକ୍ଷ ଲକ୍ଷ ଯୁବକ, ମହିଳା ଏବଂ କାରିଗରଙ୍କୁ ଆତ୍ମନିଯୁକ୍ତି ଏବଂ ଉଦ୍ୟୋଗ ସହିତ ଯୋଡୁଛି । ପ୍ରତ୍ୟେକ ଗାଁରେ ରୋଜଗାର ଏବଂ ଆତ୍ମନିର୍ଭରଶୀଳତା ସୃଷ୍ଟି କରିବାରେ ଏହି ଯୋଜନାର ଭୂମିକା ଗୁରୁତ୍ବପୂର୍ଣ୍ଣ ଅଟେ । ଦେଶର ସମସ୍ତ ଛଅଟି ଜୋନ୍ ଏହି ବଣ୍ଟନ କାର୍ଯ୍ୟକ୍ରମରେ ସକ୍ରିୟ ଭାବରେ ଅଂଶଗ୍ରହହଣ କରିଥିଲେ । କେନ୍ଦ୍ରୀୟ ଜୋନ୍ ଅଧୀନରେ, ଉତ୍ତର ପ୍ରଦେଶ, ମଧ୍ୟପ୍ରଦେଶ, ଛତିଶଗଡ଼ ଏବଂ ଉତ୍ତରାଖଣ୍ଡରେ ମୋଟ ୨୪୦୩ ଟି ପ୍ରକଳ୍ପ ପାଇଁ ୭୨ କୋଟି ଟଙ୍କାର ସବସିଡି ପ୍ରଦାନ କରାଯାଇଥିଲା ଯାହା ପାଇଁ ମୋଟ ୨୧୮ କୋଟି ଟଙ୍କାର ଋଣ ମଞ୍ଜୁର କରାଯାଇଥିଲା । ପୂର୍ବ ଜୋନ୍ରେ, ବିହାର, ଝାଡ଼ଖଣ୍ଡ, ଓଡ଼ିଶା, ପଶ୍ଚିମବଙ୍ଗ ଏବଂ ଆଣ୍ଡାମାନ ଓ ନିକୋବର ଦ୍ବୀପପୁଞ୍ଜରେ ୯୯୬ ଟି ପ୍ରକଳ୍ପ ପାଇଁ ୨୨ କୋଟି ଟଙ୍କାର ସବସିଡି ପ୍ରଦାନ କରାଯାଇଥିଲାବେଳେ ଋଣ ମଞ୍ଜୁର ପ୍ରାୟ ୭୧ କୋଟି ଟଙ୍କା ଥିଲା । ଉତ୍ତର ଭାରତର ରାଜ୍ୟଗୁଡ଼ିକ – ପଞ୍ଜାବ, ହରିୟାଣା, ହିମାଚଳ ପ୍ରଦେଶ, ଜାମ୍ମୁ ଏବଂ କାଶ୍ମୀର, ଲଦାଖ, ରାଜସ୍ଥାନ ଏବଂ କେନ୍ଦ୍ରଶାସିତ ଅଞ୍ଚଳ ଚଣ୍ଡିଗଡ଼କୁ ମୋଟ ୨୭୧୩ ଟି ପ୍ରକଳ୍ପକୁ ୬୧ କୋଟି ଟଙ୍କାର ସବସିଡି ଏବଂ ୧୮୪ କୋଟି ଟଙ୍କାର ଋଣ ମଞ୍ଜୁର କରାଯାଇଥିଲା । ଉତ୍ତର ପୂର୍ବ କ୍ଷେତ୍ରର ୮୧ ଟି ପ୍ରକଳ୍ପକୁ ୨ କୋଟି ଟଙ୍କାର ସବସିଡି ମିଳିଥୁଲା, ଯେଉଁଥିରେ ଆସାମ, ମଣିପୁର, ମେଘାଳୟ, ମିଜୋରାମ, ନାଗାଲାଣ୍ଡ, ସିକିମ ଏବଂ ତ୍ରିପୁରା ଭଳି ରାଜ୍ୟ ଅନ୍ତର୍ଭୁକ୍ତ ଥିଲା । ଦକ୍ଷିଣ ଭାରତର ଆନ୍ଧ୍ରପ୍ରଦେଶ, ତେଲେଙ୍ଗାନା, କର୍ଣ୍ଣାଟକ, ତାମିଲନାଡୁ, କେରଳ ଏବଂ ପୁଡୁଚେରୀରେ, ୪୫୬୫ ଟି ପ୍ରକଳ୍ପ ପାଇଁ ୧୧୬ କୋଟି ଟଙ୍କାର ସବସିଡି ପ୍ରଦାନ କରାଯାଇଥିଲାବେଳେ ଏହି ପ୍ରକଳ୍ପ ପାଇଁ ୩୪୩ କୋଟି ଟଙ୍କାରୁ ଅଧିକ ଋଣ ମଞ୍ଜୁର କରାଯାଇଥିଲା । ପଶ୍ଚିମ ଜୋନ୍ ରାଜ୍ୟ ମହାରାଷ୍ଟ୍ର, ଗୁଜରାଟ ଏବଂ ଗୋଆରେ, ୮୨ କୋଟି ଟଙ୍କାର ଋଣ ମଞ୍ଜୁରୀ ବିପକ୍ଷରେ ମୋଟ ୭୨୨ ଟି ପ୍ରକଳ୍ପ ପାଇଁ ୨୬ କୋଟି ଟଙ୍କାରୁ ଅଧିକ ସବସିଡି ପ୍ରଦାନ କରାଯାଇଥିଲା । ଆରମ୍ଭରୁ ୨୦୨୪-୨୫ ଆର୍ଥିକ ବର୍ଷ ପର୍ଯ୍ୟନ୍ତ ପିଏମଇଜିପି ଭାରତରେ ଗ୍ରାମୀଣ ଏବଂ ସହରାଞ୍ଚଳରେ ଉଦ୍ୟମିତା ଏବଂ ଆତ୍ମନିର୍ଭରଶୀଳତାର ଏକ ସ୍ତମ୍ଭ ପାଲଟିଛି । ଏହି ଯୋଜନା ଅଧୀନରେ ଏପର୍ଯ୍ୟନ୍ତ ମୋଟ ୧୦,୧୮,୧୮୫ ଟି କ୍ଷୁଦ୍ର ଉଦ୍ୟୋଗ ସ୍ଥାପନ କରାଯାଇଥିବାବେଳେ ଭାରତ ସରକାର ୭୩,୩୪୮ କୋଟି ଟଙ୍କାର ଋଣ ମଞ୍ଜୁର କରିଛନ୍ତି, ଯାହା ବିପକ୍ଷରେ ହିତାଧିକାରୀମାନଙ୍କୁ ୨୭,୧୬୬ କୋଟି ଟଙ୍କାର ମାର୍ଜିନ୍ ମନି ସବସିଡି ପ୍ରଦାନ କରାଯାଇଛି । ପିଏମଇଜିପି ମାଧ୍ୟମରେ ସାରା ଦେଶରେ ଏପର୍ଯ୍ୟନ୍ତ ୯୦,୦୪,୫୪୧ ରୁ ଅଧିକ ଲୋକ ପ୍ରତ୍ୟକ୍ଷ ଏବଂ ପରୋକ୍ଷ ନିଯୁକ୍ତି ପାଇଛନ୍ତି, ଯାହା ଦେଶର ସବୁଠାରୁ ପ୍ରଭାବଶାଳୀ ଆତ୍ମନିଯୁକ୍ତି ଯୋଜନା ମଧ୍ୟରୁ ଗୋଟିଏ ଅଟେ । ଏହି କାର୍ଯ୍ୟକ୍ରମ କେବଳ ଆତ୍ମନିଯୁକ୍ତିକୁ ପ୍ରୋତ୍ସାହିତ କରେ ନାହିଁ, ବରଂ ପ୍ରଧାନମନ୍ତ୍ରୀଙ୍କ ଆତ୍ମନିର୍ଭରଶୀଳ ଭାରତ ସଂକଳ୍ପକୁ ମଧ୍ୟ ସ୍ୱାକୃତି ଦିଏ ।
