ଚୌଦ୍ୱାର : ଚୌଦ୍ୱାର ସ୍ଥିତ ବିଆଇପିଏଫ୍ ବିଦ୍ୟାଳୟରେ ବନ ମହୋତ୍ସବ କାର୍ୟ୍ୟକ୍ରମ ଅନୁଷ୍ଠିତ ହୋଇଯାଇଛି । ଅଧ୍ୟକ୍ଷ ନିହାର ରଞ୍ଜନ ଭୁୟାଁଙ୍କ ତତ୍ୱାବଧାନରେ ଅନୁଷ୍ଠିତ ଏହି କାର୍ୟ୍ୟାକ୍ରମରେ ବିଦ୍ୟାଳୟର ଛାତ୍ରଛାତ୍ରୀମାନଙ୍କ ଦ୍ୱାରା ବିଭିନ୍ନ ଫୁଲ, ଫଳ ଏବଂ ଔଷଧିୟ ବୃକ୍ଷର ଚାରା ରୋପଣ କରାଯାଇଥିଲା । ପ୍ରଧାନ ଶିକ୍ଷୟତ୍ରୀ ନମଶ୍ରୀ ପତି ବନ ମହୋତ୍ସବର ତାତ୍ପର୍ୟ୍ୟ ଉପରେ ଆଲୋକପାତ କରିଥିଲେ । ଏହି ଅବସରରେ ଛାତ୍ରଛାତ୍ରୀମାନଙ୍କ ଦ୍ୱାରା ପ୍ଲାକାର୍ଡ ପ୍ରଦର୍ଶନ, ପୋଷ୍ଟର ପ୍ରସ୍ତୁତି, ଚିତ୍ରାଙ୍କନ ଆଦି ବିଭିନ୍ନ କାର୍ୟ୍ୟକ୍ରମର ଆୟୋଜନ କରାଯାଇଥିଲା । ବୃକ୍ଷ ହିଁ ଜୀବନ, ବୃକ୍ଷର ସୁରକ୍ଷା, ଧରଣୀ ମାତାକୁ ଶସ୍ୟ ଶ୍ୟାମଳା କରିବା ଆଦିର ବାର୍ତ୍ତା ବିଭିନ୍ନ କାର୍ୟ୍ୟକ୍ରମ ମାଧ୍ୟମରେ ଛାତ୍ରଛାତ୍ରୀମାନେ ଉପସ୍ଥାପନ କରିଥିଲେ । ଶିକ୍ଷୟତ୍ରୀ ଶେଫାଳୀ ସାସମଲ ଓ କର୍ମଚାରୀମାନେ କାର୍ୟ୍ୟକ୍ରମ ପରିଚାଳନା କରିଥିଲେ ।