ଡୁଙ୍ଗୁରିପାଲି, (କେପିଏନ୍ଏସ୍) : ସୁବର୍ଣ୍ଣପୁର ଜିଲ୍ଲା ଡୁଙ୍ଗୁରିପାଲି ବ୍ଲକ ଅନ୍ତର୍ଗତ ମାୟାବର୍ହା ହାଇସ୍କୁଲରେ ଆନ୍ତର୍ଜାତୀୟ ବାଳିକା ଦିବସ ପାଳିତ ହୋଇଯାଇଛି । ପ୍ରଧାନ ଶିକ୍ଷକ ରବିଚନ୍ଦ୍ର ପଶାୟତଙ୍କ ଅଧ୍ୟକ୍ଷତାରେ ହୋଇଥିବା ସଭାରେ ବରିଷ୍ଠ ଶିକ୍ଷକ ଦୀନବନ୍ଧୁ ପ୍ରଧାନ, ନନ୍ଦିଘୋଷ ବାରିକ, ମନୋଜ କୁମାର ପୂଜାରୀ ପ୍ରମୁଖ ବାଳିକାମାନଙ୍କ ସାମାଜିକ ସୁରକ୍ଷା ତଥା ନିରାପତ୍ତା ବିଷୟରେ ଆଲୋକପାତ କରିଥିଲେ । କାର୍ଯ୍ୟକ୍ରମକୁ ଛାତ୍ରୀ ଜନନୀକା ନାଏକ, ଲିପ୍ସା ଯୁଆଡି, ଅର୍ଚ୍ଚିତା ପଧାନ ସାମଗ୍ରିକ ଭାବରେ ସଂଯୋଜନା କରିଥିଲେ । ଛାତ୍ରୀ ଶିତୁ ସାହୁ, ମୁସ୍କାନ ସାହୁ, ନିରୁପମା ଷଣ୍ଢ, ଶୁଭଶ୍ରୀ ପଟେଲ, ପ୍ରିନ୍ସ ବାଗ, ବଳରାମ ପ୍ରମୁଖ ନିଜସ୍ଵ ବକ୍ତବ୍ୟ ପ୍ରଦାନ କରିଥିଲେ । ପ୍ରାରମ୍ଭରେ ଆୟୋଜିତ ହୋଇଥିବା ଗ୍ରାମ୍ୟ ସଚେତନ ପରିକ୍ରମାକୁ କିରଣ ପଟେଲ, ଅଙ୍ଗନୱାଡ଼ି କର୍ମୀ ବଲ୍ଲଭୀ ବନ୍ଛୋର୍, ସୁଷମା ବେହେରା ପରିଚାଳନା କରିଥିଲେ । ସ୍ନିଗ୍ଧା ପ୍ରଧାନ ଧନ୍ୟବାଦ୍ ପ୍ରଦାନ କରିଥିଲେ ।