ବଲାଙ୍ଗିର, (କେପିଏନ୍ଏସ୍) : ବଲାଙ୍ଗିର ସହରର ହୋଟେଲ ଗୋଲ୍ଡେ଼ନ୍ ଇନ୍ରେ ଚଢ଼ାଉ ହୋଇଥିବା ସୂଚନା ମିଳିଛି । କୌଣସି ସୂତ୍ରରୁ ଏହି ହୋଟେଲ୍ରେ ଜୁଆ ଖେଳ ଚାଲିଥିବା ସଂପର୍କରେ ସୂଚନା ମିଳିବା ପରେ ବଲାଙ୍ଗିର ଟାଉନ୍ ଥାନା ଆଇଆଇସି ବିଶ୍ୱଜିତ୍ ମନବୋଧଙ୍କ ନେତୃତ୍ୱରେ ପୋଲିସ ଟିମ୍ ଆଜି ରାତି ପ୍ରାୟ ୧୧ଟା ସମୟରେ ଚଢ଼ଉ କରିଥିବା ଜଣାପଡ଼ିଛି । ୭ ଜଣଙ୍କୁ ଏହି ମାମଲାରେ ଗିରଫ୍ କରାଯାଇଥିବା ଜଣାପଡ଼ିଛି । ସୂଚନା ଅନୁସାରେ ହୋଟେଲର ୨୦୫ ନମ୍ବର ରୁମ୍ରେ ଜୁଆଖେଳ ଚାଲିଥିବା ବେଳେ ମାଡ଼ି ବସିଥିଲା ଟାଉନ ପୋଲିସ । ୭ ଜଣ ଅଭିଯୁକ୍ତମାନଙ୍କୁ ଗିରଫ କରିବା ସହ ସେମାନଙ୍କ ଠାରୁ ଲକ୍ଷାଧିକ ଟଙ୍କା ଜବତ୍ ହୋଇଥିବା ମଧ୍ୟ କୁହାଯାଉଛି ।