ବଲାଙ୍ଗିର, (ଦେବାଶିଷ ମିଶ୍ର) : ଜିଲ୍ଲା ବରିଷ୍ଠ ନାଗରିକ ସଂଘ, ବଲାଙ୍ଗିରର ୨ୟ କାର୍ଯ୍ୟକାରିଣୀ ବୈଠକ ଡ. ଗୁରୁଶ୍ରୀ ଘାସିରାମ ମିଶ୍ରଙ୍କ ଅଧ୍ୟକ୍ଷତାରେ ଆୟୋଜିତ ହୋଇଯାଇଛି । ସଭା ପ୍ରାରମ୍ଭରେ ସଂପାଦକ ବସନ୍ତ ଆଚାର୍ଯ୍ୟ ସାଂଗଠାନିକ କାର୍ଯ୍ୟପନ୍ଥା ବିଷୟରେ ଆଲୋଚନା କରିବାକୁ ମତ ଦେଇଥିଲେ । ଉକ୍ତ ବୈଠକରେ ମୁଖ୍ୟ ଉପଦେଷ୍ଟା ବିକ୍ରମାନନ୍ଦ ବହିଦାର, ଉପଖଣ୍ଡ ସ୍ତରରେ ବରିଷ୍ଠ ନାଗରିକମାନଙ୍କ ମଧ୍ୟରେ ସମନ୍ୱୟ ପାଇଁ ପ୍ରସ୍ତାବ ଦେଇଥିଲେ ଏବଂ ବ୍ଲକ ସ୍ତରରେ କମିଟି ଗଠନ ପାଇଁ ମତ ପ୍ରକାଶ ପାଇଥିଲା । ଉପଦେଷ୍ଟା ସୁବାଷ ଚନ୍ଦ୍ର ପଣ୍ଡା ପାଣ୍ଠିର ଅଭିବୃଦ୍ଧି ନିମନ୍ତେ ସମସ୍ତଙ୍କର ସହଯୋଗ କାମନା କରିଥିଲେ । ଉକ୍ତ ବୈଠକରେ ସଂଘର ପାରିବାରିକ ବନ୍ଧୁମିଳନ ପାଇଁ ଖୁଜେନପାଲି ଫାର୍ମ ହାଉସ ଠାରେ ୪ ତାରିଖ ଦିବା ଘ.୧୦ ସମୟରେ ବନ୍ଧୁମିଳନ କାର୍ଯ୍ୟକ୍ରମ କରାଯିବ ଏବଂ ମହିଳା ବରିଷ୍ଠ ନାଗରିକ ମଂଚ ଗଠନ ପାଇଁ ଜ୍ୟୋସ୍ନାରାଣୀ ନନ୍ଦଙ୍କୁ ସର୍ବସମ୍ମତି କ୍ରମେ ଜିଲ୍ଲାର ଦାୟିତ୍ୱ ଅର୍ପଣ କରାଯାଇଥିଲା । ଉକ୍ତ ବେଠକରେ ସଂଘର ରାହାସ ବିହାରୀ ଭୋଇ, ଯଥା ବିଶ୍ୱାଲ, ଶିବ ଶଙ୍କର ଖୁଆସ, ରାଧାକୃଷ୍ଣ ମେହେର, ମଦନ ମୋହନ ପାଣିଗ୍ରାହୀ ଉପସ୍ଥିତ ଥିବା ବେଳେ ପ୍ରତାପ ଚନ୍ଦ୍ର ରଥ ସହଯୋଗ କରିଥିଲେ । ଶେଷରେ ଉପଦେଷ୍ଟା ସୁବାଷ ଚନ୍ଦ୍ର ପଣ୍ଡା ଧନ୍ୟବାଦ ଦେଇ ସଭା ସାଙ୍ଗ କରିଥିଲେ ।