- ଖବରଦାତା ତଥା ବିଶିଷ୍ଠ କଳାକାରଙ୍କ ବିୟୋଗରେ ଶୋକସଭା
କଂଟାବାଂଜି, (ଗୁରୁଦୟାଲ ହଂସ) : ସାମ୍ବାଦିକ ସଂଘ କଂଟାବାଂଜିର ଏକ ଜରୁରୀକାଳୀନ ବୈଠକ ବୁଧବାର ଦିନ ଅନୁଷ୍ଠିତ ହୋଇଯାଇଛି । ଏହି ବୈଠକରେ ସଭା ପରିଚାଳନା ପୂର୍ବରୁ ଖବରଦାତା ଗୁରୁଦୟାଲ ହଂସଙ୍କ ପ୍ରସ୍ତାବ କ୍ରମେ ନୂଆପଡା ଜିଲ୍ଲା ଖରିଆରର ବରିଷ୍ଠ ସଭ୍ୟ ମନୁ ତାଣ୍ଡିଙ୍କ ଅକାଳ ବିୟୋଗରେ ଏକ ଶୋକସଭା ଅନୁଷ୍ଠିତ ହୋଇଯାଇଛି । ସ୍ୱର୍ଗତ ତାଣ୍ଡିଙ୍କ ଅମର ଆତ୍ମାର ସଦ୍ଗତି ପାଇଁ ୨ ମିନିଟ ନୀରବ ପ୍ରାର୍ଥନା କରାଯାଇଥିଲା । ସଭାରେ ସଂଘର ସଭାପତି ବିମଲ କୁମାର ଦାଶଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ସଂଘର ବିଭିନ୍ନ ସମସ୍ୟା ଉପରେ ଆଲୋଚନା କରାଯାଇ ଆଗାମୀ ୨୦୨୩ ବର୍ଷରେ ସଂଘର କାର୍ଯ୍ୟପନ୍ଥାକୁ ନେଇ ଖସଡା ପ୍ରସ୍ତୁତ କରାଯାଇଛି । ଏହି ବୈଠକରେ ସଂଘର ସୁବାଷ ଚନ୍ଦ୍ର ବେହେରା, ଜୀବନାନନ୍ଦ ମହାନ୍ତି, ଅନ୍ତିମ ପାଣିଗ୍ରାହୀ, କୃତିକର ବାଗ, ମୋହନ ସୋନି, ପ୍ରମୋଦ ବେହେରା, ଅଭିମନ୍ୟୁ ବୋହିଦାର, ରାଧେଶ୍ୟାମ ମେହେର, ହୁଲେଶ୍ୱର ହଂସ, ଶେଖ ସମିମ ବିନୋଦ ସିଂ, କୁଶଲ ଠାକୁର ସହ ଅନ୍ୟମାନେ ଉପସ୍ଥିତ ଥିଲେ ।